ডিজিটেল ডেস্কঃ ভাৰতীয় বায়ু সেনাত অন্তৰ্ভূক্ত হব আৰু তিনিখন যুদ্ধ বিমান। তিনিওখন ৰাফেল বিমান আজি সন্ধিয়া আম্বালা এয়াৰবেছত পাবহি। উল্লেখ্য যে ভাৰতে ইয়াৰ পূৰ্বে ২৮ জুলাই তাৰিখে ৫ খন ৰাফেল বিমান আনিছিল। আৰু এই বিমানকেইখনক ১০ ছেপ্তেম্বৰ তাৰিখে ভাৰতীয় বায়ু সেনাত অন্তৰ্ভূক্ত কৰা হৈছিল। ভাৰতীয় বায়ু সেনাত আজি আহিবলগীয়া ৰাফেল বিমান তিনিখনৰ অন্তৰ্ভূক্তিকৰণৰ ফলত মুঠ ৰাফেল বিমানৰ সংখ্যা ৮ খনলৈ বৃদ্ধি পাব। ২০২১ চনত ভাৰতে ফ্ৰান্সৰ পৰা আৰু ৭ খন ৰাফেল বিমান ক্ৰয় কৰিব। ইয়াৰ পিছতেই ভাৰতত ৰাফেল বিমানৰ সংখ্যা ২১ খনলৈ বৃদ্ধি পাব। উল্লেখ্য যে ভাৰতীয় বায়ু সেনাৰ পাইলট সকলক ৰাফেল চালনাৰ কাৰণে ফ্ৰান্সত প্ৰশিক্ষণ দিয়াৰ ব্যৱস্থা কৰা হৈছে।