চুতীয়া ছাত্ৰ সন্থাত যোগদান ধনশিৰি মহকুমা ছাত্ৰ সন্থাৰ প্ৰাক্তন সাধাৰণ সম্পাদক সুভাষ শইকীয়াৰ।

ডিজিটেল ডেস্কঃ বুধবাৰে ধনশিৰি মহকুমা ছাত্ৰ সন্থাৰ প্ৰাক্তন সাধাৰণ সম্পাদক সুভাষ শইকীয়াই সদৌ অসম চুতীয়া ছাত্ৰ সন্থাত আনুষ্ঠানিক ভাবে যোগদান কৰে । ধনশিৰি মহকুমা চুতীয়া ছাত্ৰ সন্থাৰ মুখ্য কাৰ্যালয়ত সভাপতি জয়ন্ত বৰাৰ সভাপতিত্বত অনুষ্ঠিত হোৱা আদৰণি সভাত প্ৰাক্তন সক্ৰিয় আছু কৰ্মী সুভাষ শইকীয়াই যোগদান কৰে । সুভাষ শইকীয়াক গামোচা,ফুলৰ থোপা, জাপি আৰু চুতীয়া জনগোষ্টীয় পাগুৰীৰে আদৰণি জনাই চুতীয়া ছাত্ৰ সন্থাৰ বিষয়ববীয়াই । আদৰণি অনুষ্ঠানত সদৌ অসম চুতীয়া ছাত্ৰ সন্থাৰ সাধাৰণ সম্পাদক মহেন বৰা, সহ:সম্পাদক লক্ষী বৰা , গোলাঘাট জিলা সাংবাদিক সংস্থাৰ নৱ নিৰ্বাচিত সম্পাদক দ্বীপেন বৰাকে ধৰি গোলাঘাট জিলা,ধনশিৰি মহকুমা চুতীয়া ছাত্ৰ সন্থাৰ বিষয়ববীয়া লগতে ভালেকেইজন বিশিষ্ট ব্যক্তি উপস্থিত থাকে ।