ডিজিটেল ডেস্কঃ কৃষি আইনৰ বিৰুদ্ধে কৃষকসকলৰ আন্দোলন বৰ্তমানেও অব্যাহত আছে।কেন্দ্ৰীয় চৰকাৰে কৃষকসকলৰ লগত বহু কেইবাৰ বৈঠকত মিলিত হৈছে যদিও বৰ্তমান পৰ্যন্ত কোনো ইতিবাচক সমাধান উলোৱা নাই । নিজৰ সিদ্ধান্তত অটল হৈ থকা কৃষকসকলে বৰ্তমানেও আন্দোলন চলাই থকা পৰিলক্ষিত হৈছে।পূৰ্ণগতিত অব্যাহত থকা এই আন্দোলনৰ মাজতে এইবাৰ পুনৰ চৰকাৰ আৰু কৃষকসকলৰ মাজত ৪ জানুৱাৰীত বৈঠক অনুষ্ঠিত হ’ব । এই সন্দৰ্ভত কেন্দ্ৰীয় কৃষি মন্ত্ৰী নৰেন্দ্ৰ সিং ট’মৰে এইবাৰ এই বৈঠকত এক সমাধান ওলাব বুলি আশ্বাস প্ৰদান কৰিছে । ইফালে আন্দোলনকাৰী কৃষকসকলে ৪ জানুৱাৰীৰ এই বৈঠকত কোনো সমাধান নোলালে আন্দোলন আৰু অধিক তীব্ৰৰ পৰা তীব্ৰতৰ কৰি তুলিব বুলিও হুংকাৰ প্ৰদান কৰিছে।
