বিপদ বাঢ়িছে শ্বাহৰুখ পুত্ৰক গ্ৰেপ্তাৰ কৰা বিষয়া সমীৰ ৱানখেড়েৰ

আৰিয়ানে কাৰাগাৰৰ পৰা জামিনত মুক্তি লাভ কৰিছে যদিও মহাৰাষ্ট্ৰত শাসনাধিষ্ঠ এনচিপিৰ মন্ত্ৰী নৱাব মালিকে এনচিবিৰ বিৰুদ্ধে উত্থাপিত অভিযোগ বন্ধ কৰা নাই। তেওঁৰ লক্ষ্য হৈছে মুখ্যতঃ সমীৰ ৱানখেডে অৰ্থাৎ আৰয়ানক গ্ৰেপ্তাৰৰ আঁৰত থকা এনচিবি বিষয়াজন। তেওঁ বাৰে বাৰে বিষয়াজনৰ ধৰ্ম, জাতি, ব্যক্তিগত জীৱন টানি আনিছে। এইবাৰ নৱাবে পুৰণি অভিযোগৰ পৰা বাচি লৈছে। তেওঁ কৈছিল, ৱানখেডে প্ৰকৃততে মুছলমান ধৰ্মৰ যি চাকৰি এটা পাবলৈ সংৰক্ষণৰ সুবিধা লৈছিল। তেওঁ এইটোও অভিযোগ কৰিছিল যে এনচিবি বিষয়া সমীৰ ৱানখেডেয়ে দৰিদ্ৰসকলৰ অধিকাৰ কাঢ়িছিল। তেওঁ কয়, ‘মই অনুসূচীত জাতিৰ কল্যাণৰ বাবে নিযুক্ত আয়োগৰ অধ্যক্ষক তেওঁৰ বিৰুদ্ধে ব্যৱস্থা ল’বলৈ অনুৰোধ জনাইছো। ‘ নৱাবে বাৰে বাৰে দাবী কৰিছে যে সমীৰ মুছলমান ধৰ্মৰ। তথাপিও, তেওঁ নিজকে এক অনুসূচীত হিচাপে দেখুৱাইছে । তেওঁ সেই প্ৰমাণপত্ৰ দাখিল কৰি সংৰক্ষণৰ সুবিধাৰ সুযোগতে চাকৰি পাইছিল। মালিকে প্ৰমাণ হিচাপে সমীৰৰ জন্মৰ প্ৰমাণ পত্ৰৰ এখন ফটো টুইটাৰত পোষ্ট কৰিছিল। য’ত নামটো সমীৰ দাউদ ৱানখেড়ে লিখা আছিল। তেওঁ প্ৰশ্ন কৰিছে যে সমীৰে নিজকে অনুসূচীত জাতি বুলি দাবী কৰি কেনেকৈ সংৰক্ষণৰ অধীনত চাকৰি পাইছিল?