শ্বাহৰুখ কন্যা সুহানা খানে বৰ্তমান নিউয়ৰ্কত চলচ্চিত্ৰ বিষয়ত অধ্যয়ন কৰি আছে। সুহানাই এই বছৰৰ হেলোইন পাৰ্টি উদযাপন কৰাৰ পৰা আঁতৰি থাকিব নোৱাৰিলে।জে’লৰপৰা ককায়েক আৰিয়ান খান শনিবাৰে ঘৰলৈ উভতি আহিছে। বৃহস্পতিবাৰে তেওঁক জামিন দিয়া হৈছিল। সুখৰ বতাহ ‘মন্নত’ত বলিব ধৰিছিল । শ্বাহৰুখ খানে আনকি তেওঁৰ পুত্ৰ ঘৰলৈ উভতি অহাৰ লগে লগে সিদ্ধি বিনায়ক মন্দিৰত প্ৰাৰ্থনা কৰিছিল। গৌৰীৰ চকুত আনন্দৰ চকুপানীৰে ভৰি পৰিছিল। আনহাতে, সৰু ভায়েক অব্ৰামে আনন্দেৰে জঁপিয়াইছিল । সুহানাও সমানে চিন্তিত আছিল যদিও তাই তাইৰ পৰিয়ালৰ পৰা আঁতৰি আছিল। দাদাক উভতি অহাৰ লগে লগে তেওঁ ভিডিঅ’ কল কৰি কান্দিছিল। কিন্তু এইটো আছিল উদযাপন কৰাৰ সময়হে, বিচলিত হোৱা নহয়।
সুহানাৰ পাৰ্টিৰ ফটো ইতিমধ্যে নেটত ভাইৰেল হৈ পৰিছে। তেওঁক তেওঁৰ ঘনিষ্ঠ বান্ধৱীসকলৰ সৈতে স্ফূৰ্তি কৰা দেখা গৈছে । ছবিখন তেওঁৰ এগৰাকী শুভ চিন্তকে ইনষ্টাগ্ৰামত শ্বেয়াৰ কৰিছিল। তাত সুহানাক ফুৰ্তি প্ৰকাশ কৰা দেখা গৈছিল। চুলি খোলা আছিল। আকাশী ৰঙৰ কান্ধবিহীন পোচাক পিন্ধিছিল। তেওঁ তেওঁৰ বান্ধৱীক আলিঙ্গন কৰি আছিল। জানিব পৰা মতে ‘মন্নত’ত প্ৰতি বছৰে দেৱালী বিশেষভাৱে উদযাপন কৰা হয়। সেয়ে এই বছৰ দেৱালীৰ পৰা কিং খানৰ জন্মদিন ঘৰুৱাভাৱে উদযাপন কৰা হ’ব। শ্বাহৰুখৰ জন্মদিনৰ আগতে অৰ্থাৎ ২ নৱেম্বৰত সুহানা ঘৰলৈ উভতি আহিব।
