বিৰাট কোহলীৰ টি-২০ অধিনায়কত্ব সোমবাৰে নামিবিয়াৰ খেলপথাৰত অৱতীৰ্ণ হোৱাৰ লগে লগে সমাপ্ত হয়। বিৰাটে যোৱা মেচখনত নামিবিয়াৰ বিৰুদ্ধে টছত জয়ী হৈ, বল কৰাৰ সিদ্ধান্ত লৈছিল। ২০০৭ চনৰ পিছত প্ৰথম বাৰৰ বাবে ভাৰতে ইমান সোনকালে বিশ্বকাপৰ পৰা বাহিৰ হৈছে।
একে সময়তে, টি-২০ আইচিচি বিশ্বকাপ ট্ৰফীৰ সৈতে কেৰিয়াৰ সমাপ্ত কৰাৰ কোহলীৰ সপোন পূৰণ নহ’ল। স্বাভাৱিকতে এতিয়া প্ৰশ্ন হৈছে ভাৰতীয় দলৰ পৰৱৰ্তী টি-২০ অধিনায়ক কোন হ’ব?
অধিনায়ক বিৰাটে তেওঁৰ অন্তিমখন খেলত তাৰ এটা ইংগিত দিছিল। টছৰ পিছত বিৰাটে কয়, “দলটোৱে যিধৰণে খেলিছিল তাক লৈ মই অত্যন্ত গৌৰৱান্বিত।” এতিয়া মই ভাবো এই দলটোক আগুৱাই নিয়াৰ দায়িত্ব আনক দিয়াৰ সময় আহি পৰিছে। নিশ্চিতভাৱে ৰোহিত ইয়াত আছে । বিৰাটে ৰোহিতৰ নাম যিদৰে উল্লেখ কৰিছে, বহুতে অনুভৱ কৰে যে ৰোহিত দলটোৰ পৰৱৰ্তী অধিনায়ক হ’বলৈ গৈ আছে।
নিজৰ অধিনায়কত্বৰ বিষয়েও বিৰাটে কয়, “এইটো মোৰ বাবে এক ডাঙৰ সন্মান। মোক এটা সুযোগ দিয়া হৈছে আৰু মই মোৰ সৰ্বশ্ৰেষ্ঠ দিবলৈ চেষ্টা কৰিছো। “ কোহলীৰ নেতৃত্বত টীম ইণ্ডিয়াই টি-২০ ক্ৰিকেটত মুঠ ৪৯ খন মেচ খেলিছে, ২৯ খনত জয় লাভ কৰিছে আৰু ১৬ খনত পৰাজিত হৈছে।
ইয়াৰ পূৰ্বে, নতুন ভাৰতীয় প্ৰশিক্ষক ৰাহুল দ্ৰাবিড়েও ৰোহিত শৰ্মাক নতুন অধিনায়ক হিচাপে বাছনি কৰিছিল।
