প্ৰতিজন অভিনতা বা শিল্পী তাৰকাৰ এজন ব্যক্তিগত সহায়ক, মেনেজাৰ থাকে। মেনেজাৰে তেওঁলোকৰ বাবে ভাল – বেয়া সকলো যত্ন লয়। সেইকাৰণেই তেওঁলোকে মোটা দৰমহা পায়। বিশেষকৈ যদি বলীউডৰ কিং শ্বাহৰুখ খান হয়, তেতিয়া তেওঁৰ পাৰিশ্ৰমিক আকাশচুম্বী নিশ্চয় হ’ব, নহয়নে ?
সদ্যতে চৰ্চাৰ শীৰ্ষত আছে শ্বাহৰুখৰ মেনেজাৰ পূজা দাদলানী ৷ তেঁও বছৰত যিমান উপাৰ্জন কৰে সেইদৰে বহুতো ব্যৱসায়ীয়েও ইমান টকা উপাৰ্জন কৰিব নোৱাৰে। পূজাৰ আয় প্ৰতি বছৰে 45 কোটি টকা! যিটো বাংলাদেশী মুদ্ৰাত ৫২ কোটি টকাতকৈও অধিক।
অৱশ্যে, এইটো নিশ্চিত নহয় যে তেওঁ শ্বাহৰুখৰ পৰায়ে দৰমহা হিচাপে এই সম্পূৰ্ণ ধন লাভ কৰে। কাৰণ পূজাৰ স্বামীৰ গহনা ব্যৱসায় আছে। পূজাও সেই ব্যৱসায়ৰ লগত জড়িত ।
ভাৰতীয় সংবাদ মাধ্যমৰ মতে, শ্বাহৰুখে তেওঁৰ মেনেজাৰৰ ওপৰত যথেষ্ট নিৰ্ভৰ কৰিবলগীয়া হয় । পূজাই ২০১২ চনৰ পৰা শ্বাহৰুখৰ মেনেজাৰ হিচাপে সেৱা আগবঢ়াই আহিছে। এওঁৱেই কিং খানৰ সকলো কামৰ যত্ন লয়। শ্বাহৰুখৰ ক্ৰীড়া দল কলকাতা নাইট ৰাইডাৰ্ছৰো কা-কাজ চায় পূজাই ৷ সকলো তথ্য তেওঁৰ আঙুলিৰ মূৰত আছে। অভিনেতাজন য’লৈকে যায়, দেশত বা বিদেশত, পূজা তেওঁৰ সৈতে থাকে।
তেওঁ এইচ আৰ কলেজ অফ কমাৰ্চ এণ্ড ইকনমিক্সৰ পৰা স্নাতক হোৱাৰ পিছত সাংবাদিকতাও অধ্যয়ন কৰিছিল। পূজাই শ্বাহৰুখৰ মেনেজাৰ হোৱাৰ পিছত আন কোনো তাৰকাৰ সৈতে কাম কৰাৰ কথা ভবা নাছিল। শ্বাহৰুখেও কেতিয়াও তেওঁক আঁতৰোৱাৰ কথা ভবা নাই। কাৰণ তেওঁলোক পেছাদাৰী কামৰ বাহিৰেও শ্বাহৰুখ পৰিয়ালৰ একেবাৰে ঘনিষ্ঠ ।
শ্বাহৰুখৰ পৰিয়ালৰ সৈতে পূজাৰ এক সুন্দৰ সম্পৰ্ক আছে। কিং খানেও পূজাৰ পৰিয়ালৰ হিচাপ ৰাখে। শ্বাহৰুখে পূজাক প্ৰতিটো জন্মদিনত দামী উপহাৰ দি আহিছে। আমোদজনক কথা এয়া যে, শ্বাহৰুখ আৰু পূজাৰ জন্মদিন একে তাৰিখতে !
