যোৱা এবছৰ ধৰি ধাৰাবাহিক আন্দোলনৰ পিছত অৱশেষত শুক্ৰবাৰে বিতৰ্কিত কৃষি আইন তিনিখন প্ৰত্যাহাৰ কৰা হয়। অভিনেতা চনু সুদে এই খবৰটো শুনি সুখী হৈছে। ‘ইয়াতকৈ ভাল আৰু কি হ’ব পাৰে,’ তেওঁ কয়। আন কেইজনমান তাৰকাইও চনুৰ দৰে আনন্দ প্ৰকাশ কৰিছে । তেওঁলোকে বিতৰ্কিত কৃষি আইনৰ অৱশেষত প্ৰত্যাহাৰৰ বাবে সকাহ প্ৰকাশ কৰিছে।
সমগ্ৰ দেশ যোৱা বছৰৰ পৰা কৃষি আইনৰ বিতৰ্কত জড়িত হৈ আছিল। নতুন আইন বাতিলৰ দাবীক লৈ নিৰন্তৰ আন্দোলনৰ সময়ত বলীউডৰ বহুতো অভিনয় শিল্পী জনসাধাৰণৰ সৈতে জড়িত হৈ পৰিছিল। কৃষকসকলৰ আৱেদন সমূহ পূৰণ কৰাৰ দাবীত বলিউডৰ এটা দলে মাত মাতিছিল। কিন্তু আন এটা গোটে কেন্দ্ৰৰ নীতি সমৰ্থন কৰিছিল।
শুক্ৰবাৰে দেশৰ প্ৰধানমন্ত্ৰীগৰাকীয়ে কৈছিল- “আজি মই দেশৰ জনসাধাৰণৰ ওচৰত ক্ষমা বিচাৰিছো। মই আন্তৰিকতাৰে কওঁ, সম্ভৱতঃ আমাৰ প্ৰচেষ্টা ত্ৰুটিপূৰ্ণ আছিল। মই কৃষক ভাতৃসকলৰ প্ৰতি আমাৰ প্ৰচেষ্টাবোৰ সঠিকভাৱে আলোকপাত কৰিব নোৱাৰিলোঁ। ইয়াৰ পিছতে চনু, ৰিচা চাড্ডা, তাপসী পান্নু আৰু আন বহুতে মোডীৰ পদক্ষেপক আদৰণি জনাই এটা টুইট কৰে। টুইটাৰত চনুৱে লিখিছে, “প্ৰধানমন্ত্ৰী, আপোনাক বহুত ধন্যবাদ। কৃষক ভাই-ভনীকো ধন্যবাদ। শান্তিপূৰ্ণ প্ৰতিবাদৰ জৰিয়তে ন্যায্য দাবী লাভ কৰিলে। গুৰু নানকৰ জন্মদিনত, আপোনাৰ পৃথিৱীলৈ শান্তি ঘূৰি আহিব। “
