তেওঁক কিয় ভূমিষ্ঠ হ’বলৈ বাধ্য কৰা হৈছিল? তেওঁৰ মাকক কিয় সন্তান জন্ম দিবলৈ অনুমতি দিয়া হৈছিল? এগৰাকী যুৱতীয়ে তেওঁৰ মাতৃৰ চিকিৎসকৰ বিৰুদ্ধে কোটি টকাৰ গোচৰ ৰুজু কৰিছে। আৰু তেওঁ গোচৰটো জিকিছে।
হয়তো এনে ধৰণৰ কথা কোনেও কেতিয়াও শুনা নাই। ঘটনাটোৱে এক হুলস্থূলৰ সৃষ্টি কৰিছে।
এভি টম্বিছ। ব্ৰিটেইনত ২০ বছৰ বয়সৰ যুৱতীগৰাকীয়ে তেওঁৰ মাতৃৰ চিকিৎসকৰ বিৰুদ্ধে এনে ধৰণৰ গোচৰ ৰুজু কৰিছে। কিন্তু কিয়?
এভিৰ জন্ম শাৰীৰিক দুৰ্বলভাৱেই হৈছিল। জন্মৰ পৰাই স্পাইনা বাইফিডাত ভুগিছিল যুৱতীগৰাকী। এই মেৰুদণ্ডৰ ৰোগৰ বাবে এভিয়ে কেতিয়াবা দিনে ২৪ ঘণ্টা টিউবৰ সৈতে খোজ কাঢ়িব লগা হয়। আৰু এই বিকাৰৰ বাবে, চিকিৎসক ফিলিপ মিচেলক এভিয়ে আদালতত হাজিৰ কৰাইছিল ।
এভিয়ে অভিযোগ কৰিছিল যে চিকিৎসকে গৰ্ভৱতী অৱস্থাত তেওঁৰ মাতৃক সঠিক পৰামৰ্শ দিয়া নাছিল। যদি তেওঁ তেওঁৰ মাকক কৈছিল যে তেওঁৰ সন্তান স্পাইনা বাইফিডাৰ দ্বাৰা সংক্ৰমিত হ’ব পাৰে, আৰু সেই বিপদাশংকা হ্ৰাস কৰিবলৈ তেওঁ ফলিক এচিড থকা খাদ্য আৰু ঔষধ গ্ৰহণ কৰাৰ প্ৰয়োজন আছিল, তেন্তে তেওঁৰ এই পৰিস্থিতি নহ’লহেতেন । তেওঁৰ মাতৃয়েও তেওঁক জন্ম দিব বিচৰা নাছিল।
লণ্ডন উচ্চ ন্যায়ালয়ে ইয়াক এক অভূতপূৰ্ব গোচৰ বুলি উল্লেখ কৰিছিল। বিচাৰকজনে লক্ষ্য কৰিছিল যে যদি এভিৰ মাকক সঠিক সময়ত এই বিষয়ে অৱগত কৰা হ’লহেঁতেন, তেন্তে তেওঁ সন্তান জন্ম দিয়াত পলম হ’লহেঁতেন। কেৱল সেয়াই নহয়, তেওঁ এটা স্বাস্থ্যৱান সন্তান জন্ম দিব পাৰিলেহেঁতেন। এভিৰ মাতৃয়েও চিকিৎসকৰ বিৰুদ্ধে একে ধৰণৰ অভিযোগ কৰিছে।
