“মই কোভিড ৰোগীসকলৰ শৰীৰ দেখি কঁপি উঠিছিলো। বিশ্বব্যাপী কোভিডে মোৰ পৰিয়ালটোক গুৰুতৰ বিপদত পেলাইছে। ওমিক্ৰনে কাকো এৰি নিদিব।” সুশীল কুমাৰ নামৰ এজন চিকিৎসকে পত্ৰখনত এইখিনি কথা লিখি দুটা সন্তান আৰু তেওঁৰ পত্নীক হত্যা কৰিছে।
ঘটনাটো কানপুৰৰ ইন্দিৰা নগৰৰ এটা অট্টালিকাত সংঘটিত হৈছে। তেওঁ তাত তেওঁৰ পৰিয়ালৰ সৈতে বাস কৰিছিল। ৬১ বছৰীয়া চিকিৎসকজন এখন ব্যক্তিগত চিকিৎসা মহাবিদ্যালয়ৰ সৈতে জড়িত আছিল। তেওঁ লিখা চিঠিখন ঘটনাস্থলীৰ পৰা উদ্ধাৰ কৰা হৈছিল।
সুশীল কুমাৰ ইতিমধ্যে এটা দুৰাৰোগ্য ৰোগত ভুগি আছে। কৰোনাৰ সংক্ৰমণ বিয়পি থকাৰ ফলস্বৰূপে, তেওঁ হতাশাত ভুগি আছিল। তেওঁ নিজৰ পৰিয়ালটোক সেই হতাশাৰ পৰা চিৰদিনৰ বাবে মুক্ত কৰাৰ পৰিকল্পনা কৰিছিল। সেয়ে তেওঁ তেওঁৰ পত্নী আৰু পুত্ৰ আৰু জীয়েকক হাতুৰীৰে মাৰি হত্যা কৰিছিল। কেৱল সেয়াই নহয়, ঘটনাটোৰ পিছত, যমজ ভাতৃ সুনীলক ফোন কৰি বিষয়টো অৱগত কৰিছিল। তেওঁ আৰক্ষীকো মাতিবলৈ কৈছিল। সুনীল লগে লগে ককায়েকৰ ফ্লেটলৈ আহিছিল যদিও পলায়ন কৰিছিল চিকিৎসক সুশীলে। ফ্লেটটোৰ দুৱাৰখন শেষত ভাঙিব লগা হৈছিল কিয়নো ই ভিতৰৰ পৰা বন্ধ আছিল। খোলাৰ পিছত, দেখা গৈছিল যে তিনিটা মৃতদেহ মাটিত তেজেৰে লুতুৰি পুতুৰি হৈ পৰি আছিল।
আৰক্ষীয়ে অভিযুক্তজনৰ বিৰুদ্ধে একাধিক ধাৰাৰ অধীনত এটা গোচৰ ৰুজু কৰিছে।
