ইমান দিন ধৰি মানুহজনে অভিযোগ কৰি আহিছিল যে নৰেন্দ্ৰ মোডী চৰকাৰে সংবাদ মাধ্যমক নিয়ন্ত্ৰণ কৰিবলৈ চেষ্টা কৰি আছে। পিছে সেইজন ৰাহুল গান্ধীয়েই এইবাৰ সংবাদ মাধ্যম আৰু সাংবাদিকসকলক লক্ষ্য কৰি লৈছে । কংগ্ৰেছ নেতাজনে একেৰাহে দুদিন ধৰি সংবাদ মাধ্যমৰ ওপৰত নিজৰ মেজাজ হেৰুৱাইছে।
আজি যেতিয়া ৰাহুল গান্ধীক সংসদৰ বাহিৰত পঞ্জাৱত দুটা গণপ্ৰহাৰত মৃত্যু হোৱা সন্দৰ্ভত প্ৰশ্ন কৰা হয়, তেতিয়া তেওঁ সাংবাদিকক উদ্দেশ্য কৰি কয়, “চৰকাৰখন দালালৰ দৰে নেকি!” অৰ্থাৎ চৰকাৰৰ বাবে দালালি নকৰিব। ৰাহুলে আজি নিজেই গণ প্ৰহাৰৰ বিষয়ে টুইট কৰে আৰু মোডীক আক্ৰমণ কৰি কয় যে ২০১৪ চনৰ পিছত ‘লিঞ্চিং’ শব্দটো পোহৰলৈ আহিছিল। অৱশ্যে, তেওঁ পঞ্জাৱত গণপ্ৰহাৰৰ বিষয়ে মুখ খোলা নাই।
ৰাহুলক কালি সাংবাদিকে সুধিছিল যে চৰকাৰে সংসদত হোৱা পৰিৱেশৰ বাবে বিৰোধীক দোষাৰোপ কৰিছে নেকি। ৰাহুলে সাংবাদিক ক প্ৰত্যুত্তৰ দি কয়, “আপ চৰকাৰ কে লিয়ে কাম কৰতে হে কি য়া?”
আন সময়তো ৰাহুলে সংবাদ মাধ্যমক দোষাৰোপ কৰি আহিছে । বিৰোধীৰ দাবীৰ বিষয়ে কোৱাৰ পিছত ৰাহুলে কয় যে, “মই জানো আপুনি আন প্ৰশ্ন সুধিব। এই বিষয়টোৰ পৰা মনোযোগ আঁতৰাবলৈ চেষ্টা কৰক। সংবাদ মাধ্যমবোৰে নিজৰ কাম কৰিছে, বা চৰকাৰে নিজৰ কাম কৰিছে।”
এতিয়া বিজেপিয়ে দাবী কৰিছে যে এই সকলোবোৰ ৰাহুলৰ হতাশাৰ অভিব্যক্তি।