অসমৰ মুখ্যমন্ত্ৰী ড০ হিমন্ত বিশ্ব শৰ্মাই বুধবাৰে গুৱাহাটীত ভাৰতীয় জনতা পাৰ্টিৰ (বিজেপি) বিধায়কসকলৰ সৈতে আগন্তুক স্থানীয় নিগম-নিকায়ৰ নিৰ্বাচনক লৈ এখন বৈঠকত মিলিত হয় ।
মুখ্যমন্ত্ৰীগৰাকীয়ে কয় “আমি নিৰ্বাচনত বিজয় নিশ্চিত কৰাৰ দিশত কাম কৰাৰ সিদ্ধান্ত লৈছো। মই সকলো বিধায়কক তেওঁলোকৰ সমষ্টিত সমবায় আৰম্ভ কৰিবলৈ আৰু এটা ব্ৰেণ্ড সৃষ্টি কৰিবলৈ কৈছো।”
আনহাতে, শাসন আৰু সিদ্ধান্ত গ্ৰহণ প্ৰক্ৰিয়াত মহিলাৰ প্ৰতিনিধিত্ব সক্ষম কৰা লক্ষ্যৰে অসম কেবিনেটে ১০ বছৰৰ বাবে মহিলা সংৰক্ষণ প্ৰদান কৰাৰ বাবে অসম পৌৰ আইন ১৯৫৬ সংশোধন কৰাৰ সিদ্ধান্ত লয়।
টুইটাৰযোগে মুখ্যমন্ত্ৰীয়ে লিখিছে যে, “উন্নয়ন সম্পৰ্কীয় বিষয়বোৰ আলোচনা কৰিবলৈ দলৰ মুখ্য কাৰ্যালয়ত বিধায়িনী দলৰ বৈঠকত অংশগ্ৰহণ কৰো। মই আমাৰ সকলো বিধায়কক আগন্তুক পৌৰ নিৰ্বাচনৰ বাবে প্ৰস্তুতি চলাবলৈ কৈছো আৰু তেওঁলোকৰ সমষ্টিত সমবায় সমিতি গঠন কৰিবলৈ পৰামৰ্শ দিছো যাতে আত্মনিৰ্ভৰ অসমক উৎসাহিত কৰা যায়।”লগতে বিধায়কসকলক ৬ ৰ পৰা ৯ জানুৱাৰী, ২০২২ লৈ কৰ্মচাৰীসকলক প্ৰদান কৰা চৰকাৰৰ নিৰ্দেশিত বিশেষ ছুটী দি তেওঁলোকৰ পিতৃ-মাতৃৰ সৈতে সময় কটাবলৈ সুবিধা প্ৰদান কৰাৰো পৰামৰ্শ দিছো।” মুখ্যমন্ত্ৰীৰ কাৰ্যালয়ৰ মতে, কেবিনেটে নিগমৰ কাউঞ্চিলৰ পদৰ প্ৰত্যক্ষ নিৰ্বাচনত মহিলা সংৰক্ষণৰ কাৰ্যকাল ১০ বছৰলৈ বৃদ্ধি কৰাৰ বাবে গুৱাহাটী পৌৰ নিগম আইন, ১৯৬৯ত সংশোধনী অনাৰ সিদ্ধান্ত লৈছে।
