বিহাৰৰ মুজাফৰপুৰত ভয়ংকৰ বিস্ফোৰণত ১০জনৰ মৃত্যু ৷ কুৰকুৰে আৰু নুডলছ কাৰখানাৰ বয়লাৰ বিস্ফোৰণ ৷

বিহাৰ ৰাজ্যৰ মুজাফৰপুৰত ভয়ংকৰ দুৰ্ঘটনা সংঘটিত হৈছে। দেওবাৰে ৰাতিপুৱা মুজাফৰপুৰ ঔদ্যোগিক এলেকাৰ কুৰকুৰে আৰু নুডলছ কাৰখানাত এটা বয়লাৰ বিস্ফোৰণ হয়।

দুৰ্ঘটনাটোত কমেও ১০ জন লোকে প্ৰাণ হেৰুৱাইছে আৰু বহুতো লোক আহত হৈছে। বিস্ফোৰণটোত ওচৰৰ কাৰখানাৰ লোকসকলো আহত হৈছে।
সাংসদ জেছা ৰুলাৰকে ধৰি কেইবাজনো শীৰ্ষ বিষয়া ঘটনাস্থলীত উপস্থিত হৈছে। মৃত্যুৰ সংখ্যা বৃদ্ধি পাব পাৰে বুলিও আশংকা কৰা হৈছে।

স্থানীয় লোকসকলে মতে বয়লাৰ বিস্ফোৰণ ইমান শক্তিশালী আছিল যে ইয়াৰ শব্দ ৫ কিলোমিটাৰ পৰ্যন্ত শুনা গৈছিল। বিস্ফোৰণটোৱে ওচৰৰ চিৰা আৰু ময়দাৰ কাৰখানাবোৰো ক্ষতিগ্ৰস্ত কৰিছে। ঘটনাস্থলীত পাঁচখন অগ্নিনিৰ্বাপক গাড়ী উপস্থিত হৈ উদ্ধাৰ অভিযান চলাই আছে। দুৰ্ঘটনাটোত নিহত সকলৰ পৰিচয় এতিয়াও জানিব পৰা হোৱা নাই।
দুৰ্ঘটনাটোৰ সময়ত কাৰখানাটোত কিমান জন লোকে কাম কৰি আছিল সেয়া এতিয়াও স্পষ্ট হোৱা নাই। আৰক্ষী আৰু অগ্নি নিৰ্বাপক বাহিনীয়ে উদ্ধাৰ অভিযান চলাই আছে। 

চুবুৰীয়াৰ মতে বয়লাৰ বিস্ফোৰণৰ এটা ডাঙৰ শব্দ হৈছিল। এইটোৱে অঞ্চলটোৰ ঘৰবোৰৰ খিৰিকী আৰু দুৱাৰক জোকাৰি গৈছিল। 
কাৰখানাৰ কৰ্মচাৰীৰ আত্মীয়সকলে তেওঁলোকৰ প্ৰিয়জনক বিচাৰি কাৰখানালৈ গৈছে। একে সময়তে প্ৰশাসনিক বিষয়াসকলে মানুহক ভিতৰলৈ যোৱাত বাধা দি আছে। পৰিস্থিতি অতি গুৰুতৰ হৈ পৰিছে। আহতসকলক উদ্ধাৰ কৰি স্থানীয় চিকিৎসালয়লৈ প্ৰেৰণ কৰা হয় ।