ইউক্ৰেইনক লৈ আমেৰিকা যুক্তৰাষ্ট্ৰ আৰু ৰাছিয়াৰ মাজত বাঢ়ি অহা উত্তেজনাৰ মাজত দুয়োখন দেশৰ মুৰব্বীয়ে ফোনত বাৰ্তালাপ কৰে। প্ৰায় এঘণ্টা ধৰি চলি থকা এক বাৰ্তালাপত আমেৰিকাৰ ৰাষ্ট্ৰপতি জো বিডেনে ভ্লাদিমিৰ পুটিনক কয় যে তেওঁ আলোচনা অব্যাহত ৰখাৰ পক্ষপাতী। অৱশ্যে, তেওঁ এইটোও স্পষ্ট কৰি দিয়ে যে ইউক্ৰেইনৰ বিৰুদ্ধে যিকোনো ভুল পদক্ষেপে ৰাছিয়াৰ সমস্যা বৃদ্ধি কৰিব পাৰে। এইমাহত দুয়োজন নেতাৰ মাজত এইটো দ্বিতীয় টেলিফোনিক কথোপকথন বুলি জানিব পৰা গৈছে ।
তথ্য মতে, ইউক্ৰেইনৰ সীমান্তত ৰাছিয়াৰ সৈন্য ৰখাৰ ফলত আমেৰিকা যুক্তৰাষ্ট্ৰ ক্ষুব্ধ হৈছে আৰু ই দুয়োখন দেশৰ মাজত উত্তেজনা যথেষ্ট বৃদ্ধি কৰিছে। ক্ৰেমলিনৰ সহায়ক য়ুৰি উশাকভে কয় যে ৰাছিয়াৰ ৰাষ্ট্ৰপতি ভ্লাদিমিৰ পুটিনে আমেৰিকা যুক্তৰাষ্ট্ৰৰ সতৰ্ক কৰি দিছে যে ইউক্ৰেইনৰ অজুহাতত ৰাছিয়াৰ ওপৰত নতুন নিষেধাজ্ঞাই দুয়োখন ক্ৰেমলিনৰ সহায়ক য়ুৰি উশাকভে কয় যে ৰাছিয়াৰ ৰাষ্ট্ৰপতি ভ্লাদিমিৰ পুটিনে তেওঁৰ আমেৰিকা যুক্তৰাষ্ট্ৰৰ সমকক্ষক সতৰ্ক কৰি দিছে যে ইউক্ৰেইনৰ অজুহাতত ৰাছিয়াৰ ওপৰত নতুন নিষেধাজ্ঞাই দুয়োখন দেশৰ মাজৰ সম্পৰ্কত বিৰূপ প্ৰভাৱ পেলাব পাৰে। উষাকভে লগতে কয়, জো বিডেনে পুটিনক ভাবুকি দি কৈছে যে যদি ৰাছিয়াই ইউক্ৰেইন বিবাদত অধিক ইন্ধন যোগায় তেন্তে তেওঁ নতুন বিত্তীয়, সামৰিক আৰু অৰ্থনৈতিক নিষেধাজ্ঞাৰ সন্মুখীন হ’ব।দেশৰ মাজৰ সম্পৰ্কত বিৰূপ প্ৰভাৱ পেলাব ।
