দেশত ওমিক্ৰন-উদ্বেগৰ মাজতে কৰীণা কাপুৰ খান, অৰ্জুন কাপুৰ আৰু ৰিয়া কাপুৰৰ পিছত বলীউডৰ যৌন আবেদনময়ী নৃত্যশিল্পী নোৰা ফতেহীও কৰোনাত ভুগিছে। নোৰাই এজন চিকিৎসকৰ পৰামৰ্শ মতে ঘৰত সোমাই আছে। খবৰ মতে তেওঁৰ আনকি বিচনাৰ পৰা উঠাৰো শক্তি নাই। নোৰাই এই পৰিস্থিতিত অনুৰাগীসকলকো সতৰ্ক কৰিছে।
বৃহস্পতিবাৰে নোৰাই ইনষ্টাগ্ৰাম ষ্ট’ৰীত লিখিছিল, ‘দুৰ্ভাগ্যবশতঃ মই ক’ৰোনাৰ সৈতে যুঁজি আছো।’ কোভিডে সঁচাকৈয়ে মোক বন্দী কৰিলে। মই দুদিন ধৰি শয্যাশায়ী হৈ আছোঁ। মই চিকিৎসকৰ তত্বাৱধানত আছোঁ। একে সময়তে, তেওঁ তেওঁৰ অনুগামীসকলক সতৰ্ক কৰি দিছিল, ‘সাৱধান হওক, মাস্ক পিন্ধক। নিজৰ স্বাস্থ্যৰ বাহিৰে একো গুৰুত্বপূৰ্ণ নহয়। নিজৰ যত্ন ল’ব।’
নোৰাৰ স্বাস্থ্যৰ খবৰ বিয়পি পৰাৰ লগে লগে তেওঁৰ অনুৰাগীসকল চিন্তিত হৈ পৰিছে। এই পৰিস্থিতিত নোৰাৰ এখন ছবি নেটৰ মাজেৰে ভাইৰেল হোৱাত কিছুমানে তেওঁ কভিড হোৱা স্বত্বেও কিয় ৰাজহুৱা অনুষ্ঠানতোউপস্থিত হৈছিল তাক লৈ খং প্ৰকাশ কৰিছে। কিন্তু নোৰাৰ মুখপাত্ৰই কৈছিল যে ছবিখন পুৰণি। ফটোখন এতিয়া হঠাতে ইনষ্টাগ্ৰামত ভাইৰেল হৈ পৰিছে।
