ডেল্টাৰ পিছত, কেইবাখনো দেশত ওমিক্ৰন সংক্ৰমণ পুনৰ বৃদ্ধি পাইছে। ওমিক্ৰনৰ পিছত ফ্লুৰোনা ৷ ফ্লুৰোনাইও ইতিমধ্যে বহুতৰ শৰীৰত প্ৰৱেশ কৰিছে। প্ৰতিবেদন অনুসৰি, যদি এই ফ্লুৰোনা সংক্ৰমিত হয়, শৰীৰৰ ৰোগ প্ৰতিৰোধ প্ৰণালী সম্পূৰ্ণৰূপে ভাঙি যায়।
ইনফ্লুৱেঞ্জা ভাইৰাছ আৰু এছ.এ.আৰ.এছ. চি.ও.ভি.-২ একে সময়তে মানৱ শৰীৰত প্ৰৱেশ কৰে তেতিয়া এই ৰোগ হয়। অৰ্থাৎ ইনফ্লৱেঞ্জা আৰু ওমিক্ৰন লগ লাগি হয় ফ্লুৰোনা ৷
শেহতীয়াকৈ ইজৰাইলত এই ৰোগটো প্ৰথমে ধৰা পৰিছে। চিকিৎসালয়ত ভৰ্তি হোৱা শিশুৰ সৈতে এগৰাকী মহিলাক ফ্লোৰোনাত আক্ৰান্ত হৈছে। ইজৰাইলী বাতৰি কাকতৰ প্ৰতিবেদন অনুসৰি, মহিলাগৰাকীয়ে ইনফ্লুৱেঞ্জা বা কৰ’না ভেকছিন লোৱা নাই। অৱশ্যে স্বাস্থ্য বিশেষজ্ঞসকলে কৈছে যে এইটো ডেল্টা বা ওমিক্ৰনৰ দৰে কৰ’নাৰ প্ৰজাতি নহয়। শেহতীয়াকৈ ইজৰাইলত ইনফ্লুৱেঞ্জা বৃদ্ধি হোৱাৰ ফলত এগৰাকী মহিলা এই ৰোগত আক্ৰান্ত হৈছে। বিশ্ব স্বাস্থ্য সংস্থাই কয়, “এই ৰোগৰ কাৰণ হৈছে যেতিয়া কৰ’না আৰু ইনফ্লুৱেঞ্জাই একে সময়তে শৰীৰক আক্ৰমণ কৰে। যি শৰীৰৰ ৰোগ প্ৰতিৰোধ ক্ষমতাও ক্ষতিগ্ৰস্ত কৰে। কিন্তু যদি দুটা ভাইৰাছ প্ৰতিৰোধী ভেকছিন লোৱা হয়, তাক প্ৰতিৰোধ কৰা সম্ভৱ। mayoclinic.org মতে, কোভিড ১৯ আৰু ফ্লু একেধৰণে বিয়পে। ছয় ফুট বা ২ মিটাৰ ভিতৰত সংক্ৰমিত হয়। ভাইৰাছটো এৰোচ’ল আৰু টোপালৰ জৰিয়তে বিয়পি পৰে।
হাঁচি, কাহ বা কথা কোৱাৰ সময়ত দুয়োটা ভাইৰাছে নাক আৰু মুখৰ জৰিয়তে শ্বাসতন্ত্ৰত প্ৰৱেশ কৰে। আনকি স্পৰ্শ কৰিলেও, ভাইৰাছটো তাৰ পৰা বিয়পে। অৱশ্যে, এই ফ্লুৰোনা সংক্ৰমণৰ বিষয়ে উদ্বেগ বৃদ্ধি পাইছে কিয়নো এই আক্ৰমণৰ বাবে আন ৰোগবোৰো যথেষ্ট বৃদ্ধি পাইছে। নিউমোনিয়া, শ্বাসতন্ত্ৰৰ চাপ লক্ষণ, অংগ বিকল হোৱা, হৃদআক্ৰমণ, ষ্ট্ৰোক, আনকি ফ্লুৰোনাত মৃত্যুও হ’ব পাৰে।
