পুনৰ যতি পৰিব নেকি ভাৰতৰ নেপাল সু-সম্পৰ্কত। শীতল যুদ্ধ আৰম্ভ হ’ব নেকি দুয়োখন দেশৰ মাজত।
কালাপানী, লিম্পিয়াধুৰা আৰু লিপুলেখৰ তিনিটা ‘বিতৰ্কিত’ অঞ্চলক লৈ নেপালৰ ভাৰতৰ সৈতে পূৰ্বৰে বিবাদ চলি আছিল। এতিয়া লাহে লাহে দুয়োখন দেশৰ মাজৰ সম্পৰ্ক স্বাভাৱিক হৈ পৰিছে। এইবাৰ নেপালৰ কমিউনিষ্ট পাৰ্টিয়ে ভাৰতৰ পৰা অঞ্চলটো কাঢ়ি নিবলৈ ভাবুকি প্ৰদান কৰিছে। নেপালৰ প্ৰধানমন্ত্ৰী শ্বেৰ বাহাদুৰ দেউবৰে কেইদিনমান পিছত ভাৰত ভ্ৰমণ কৰাৰ কথা আছে। এতিয়া ভূমি বিবাদত কমিউনিষ্ট পাৰ্টিটোৰ ভাবুকি গুৰুত্বপূৰ্ণ হৈ পৰা বুলি কূটনীতিবিদসকলে দাবী কৰিছে।
নেপাল কমিউনিষ্ট পাৰ্টিয়ে শেহতীয়াকৈ ৮ম সাধাৰণ সন্মিলনত এই বিষয়টোৰ ওপৰত সিদ্ধান্ত লৈছে। সন্মিলনখনত কেন্দ্ৰীয় সমিতিৰ ২৩৬ জন সদস্য উপস্থিত আছিল। দলৰ অধ্যক্ষ পুষ্পকমল দাহালৰ উপস্থিতিত এই সিদ্ধান্ত লোৱা হৈছে। তেওঁ যোৱা সোমবাৰে এক বিশেষ সভাত সাতজন সদস্যৰ উপস্থিতিত ‘প্ৰথম শতিকাত সমাজবাদৰ পথ’ শীৰ্ষক এখন প্ৰতিবেদন উপস্থাপন কৰি এইটোৱে দাবী কৰিছিল যে ইয়াত আৰু কেইটামান বিষয় যোগ কৰা হ’ব। কোৱা হয় যে সংসদৰ দ্বাৰা গৃহীত সম্পূৰ্ণ মানচিত্ৰক গুৰুত্ব দিব লাগিব। তেওঁ লগতে কয় যে ১৯৫০ চনত, ইণ্ডো-নেপাল চুক্তি বাতিল কৰিব লাগিব আৰু এখন নতুন চুক্তি স্বাক্ষৰ কৰিব লাগিব। যাতে দুয়োখন দেশ উপকৃত হয়।