চিকিৎসকসকলে চুপাৰ মহামাৰী ক“ভিডৰ বিৰুদ্ধে যুঁজিবলৈ বিভিন্ন প্ৰতিৰোধ অস্ত্ৰৰ বিষয়ে বাৰে বাৰে উল্লেখ কৰি আহিছে । কিন্তু আপুনি জানেনে যে যদি আপুনি সেই অস্ত্ৰটো সঠিকভাৱে ব্যৱহাৰ নকৰে,তেতিয়া কৰ’না সংক্ৰমণ ৰোধিব কৰিব নোৱাৰে? শেহতীয়াকৈ, আমেৰিকা যুক্তৰাষ্ট্ৰৰ এটা গৱেষকৰ দলে জনাইছে যে কাপোৰৰ মুখাৰে ওমিক্ৰন সংক্ৰমণ বন্ধ কৰিব নোৱাৰি। তেনেক্ষেত্ৰত, ই বিয়পিবলৈ মাত্ৰ ২০ মিনিট লাগিব পাৰে।
বিশেষজ্ঞসকলৰ মতে, সংক্ৰমণ প্ৰতিৰোধ কৰিবলৈ মুখা এক উৎকৃষ্ট অস্ত্ৰ হ’ব লাগিব। কিন্তু কোনো মাস্কতেই সেই শক্তি নাই। তেওঁলোকে কয় যে যদি এজন ব্যক্তিৰ মুখত এন৯৫ মুখা থাকে, মাস্ক নোহোৱা ব্যক্তি এজন সংক্ৰমিত হ’বলৈ কমেও আঢ়ৈ ঘণ্টা লাগিব। আৰু যদি তেওঁলোক দুয়োজনে মুখা পিন্ধি আছে, সময় ১০ গুণ বৃদ্ধি হয় – অৰ্থাৎ ২৫ ঘণ্টা।
ছাৰ্জিকেল মাস্ক অৰ্থাৎ অস্ত্ৰোপচাৰৰ বাবে ব্যৱহাৰ কৰা মাস্কবোৰে কাপোৰৰ মুখাতকৈ বহুত বেছি সুৰক্ষা দিয়ে। যদি অস্ত্ৰোপচাৰৰ মাস্ক পিন্ধা ব্যক্তি এজনে মাস্ক পৰিধান নকৰাকৈ সংক্ৰমিত ব্যক্তিৰ সংস্পৰ্শলৈ আহে, তেন্তে ৩০ মিনিটলৈকে সংক্ৰমণ প্ৰতিৰোধ কৰা সম্ভৱ।
আৰু যদি সেই ব্যক্তিজনে কাপোৰৰ মাস্ক পিন্ধে তেন্তে কি হ’ব? বিশেষজ্ঞসকলে অনুমান কৰিছে যে কাপোৰৰ মাস্ক পিন্ধিলে মাত্ৰ ২০ মিনিটত আপোনাক সংক্ৰমিত কৰিব পাৰে। আৰু যদি আপুনি মাস্ক পিন্ধি নাথাকে, আপুনি ১৫ মিনিটৰ ভিতৰত সংক্ৰমিত হোৱাৰ সম্ভাৱনা আছে।
কৰ’নাৰ সকলো প্ৰকাৰতকৈ ওমিক্ৰন অধিক স্পৰ্শকাতৰ। সেইকাৰণে বিশেষজ্ঞসকলে সকলোৰে বাবে অতিৰিক্ত সাৱধানতা অৱলম্বন কৰাৰ আহ্বান জনাইছে ।
