ৰাষ্ট্ৰীয় ৰাজনীতিত এটা বিশেষ চৰ্চা- এইবাৰো মুখ্যমন্ত্ৰী হোৱাৰ সম্ভাৱনা নাই সিদ্ধুৰ ৷
পঞ্জাৱত বিধানসভা নিৰ্বাচন ২০২২ ৰ ঠিক আগতে, কংগ্ৰেছ দলে ইয়াৰ অফিচিয়েল টুইটাৰ পৰা এটা ভিডিঅ’ শ্বেয়াৰ কৰিছে। ভিডিঅ’টোৱে ইংগিত দিছে যে পঞ্জাৱৰ বৰ্তমানৰ মুখ্যমন্ত্ৰী চৰণজিৎ সিং চান্নী আগন্তুক বিধানসভা নিৰ্বাচনত দলটোৰ বাবে পুনৰ মুখ্যমন্ত্ৰীৰ মুখ হ’ব পাৰে। কংগ্ৰেছ দলে শ্বেয়াৰ কৰা ভিডিঅ’টোৱে পোনপটীয়াকৈ প্ৰকাশ কৰা নাই এই কথা, কিন্তু বিধানসভা নিৰ্বাচনত দলটোৱে চান্নীক মুখ্যমন্ত্ৰী পদৰ পৰা প্ৰাৰ্থিত্ব প্ৰদান কৰিব পাৰে বুলি স্পষ্ট ইংগিত পোৱা গৈছে।
সম্প্ৰতি পঞ্জাৱত কংগ্ৰেছৰ ৰাজ্যিক সভাপতি নৱজ্যোত সিং সিদ্ধু আৰু মুখ্যমন্ত্ৰী চৰণজিৎ সিং চান্নীৰ মাজত কেইবাটাও বিভেদ দেখা গৈছে। মুখ্যমন্ত্ৰী হোৱাৰ পাছৰে পৰা নৱজ্যোত সিং সিদ্ধু আৰু চান্নীৰ সম্পৰ্কৰ অৱনতি ঘটিছে। কিন্তু এতিয়া, টুইটাৰত কংগ্ৰেছ দলে শ্বেয়াৰ কৰা ভিডিঅ’টোৱে মুখ্যমন্ত্ৰী চৰণজিৎ সিং চান্নীক মুখ্যমন্ত্ৰীৰ মুখ হিচাপে চিত্ৰিত কৰাৰ ইংগিত দিছে। সিদ্ধুৱে নিৰন্তৰ নিজকে পঞ্জাৱৰ মুখ্যমন্ত্ৰী মুখ হিচাপে আগবঢ়াই আছে। কিন্তু কংগ্ৰেছ দলে শ্বেয়াৰ কৰা ভিডিঅ’টোৱে নৱজ্যোত সিং সিদ্ধুৰ কাৰ্ড কাটিব পাৰে।
