অসমৰ মুখ্যমন্ত্ৰী হিমন্ত বিশ্ব শৰ্মাই সোমবাৰে গুৱাহাটীত অৰুণাচল প্ৰদেশৰ মুখ্যমন্ত্ৰী পেমা খাণ্ডুৰ সৈতে এখন গুৰুত্বপূৰ্ণ বৈঠকত মিলিত হয় ৷ বৈঠকত দুয়োখন ৰাজ্যৰ মাজত দীৰ্ঘদিনীয়া সীমা সমস্যা সন্দৰ্ভত আলোচনা কৰে দুয়োজন মুখ্যমন্ত্ৰীয়ে ৷
আলোচনাৰ পিছত, দুয়োখন ৰাজ্যই সীমাৰ স্থিতিৰ ওপৰত এক ভূমি-পৰ্যায়ৰ জৰীপ কৰাৰ সিদ্ধান্ত লয়।
টুইটাৰযোগে অসমৰ মুখ্যমন্ত্ৰীগৰাকীয়ে লিখিছে, “চুবুৰীয়াৰ সৈতে সীমাসমস্যা সমাধান কৰাটো আমাৰ প্ৰাথমিকতা। অৰুণাচল প্ৰদেশৰ মাননীয় মুখ্যমন্ত্ৰী শ্ৰী @PemaKhanduBJP সৈতে আলোচনা কৰা হয়, যি গুৱাহাটীলৈ আহিছিল, দীৰ্ঘদিন ধৰি অমীমাংসিত সমস্যাটোৰ স্থায়ী সমাধানৰ বাবে ব্যৱস্থা গ্ৰহণ কৰে। আমি সীমাৰ স্থিতিৰ ওপৰত গ্ৰাউণ্ড লেভেল জৰীপ কৰাৰ সিদ্ধান্ত লৈছো।”
আনহাতে, “অসম চৰকাৰৰ জ্যেষ্ঠ বিষয়াসকলৰ সৈতে অসমৰ মাননীয় মুখ্যমন্ত্ৰী @himantabiswa জীক সাক্ষাৎ কৰো। দুয়োখন ৰাজ্যৰ মাজত সীমা সমস্যাৰ ওপৰত বিতং আলোচনা হৈছিল। আমি এই দীৰ্ঘদিনীয়া অমীমাংসিত সমস্যাটোৰ স্থায়ী সমাধানৰ দিশত আন্তৰিকতাৰে কাম কৰিম”, অৰুণাচলৰ মুখ্যমন্ত্ৰীয়ে টুইট কৰে।
অৰুণাচল প্ৰদেশ, মেঘালয়, নাগালেণ্ড আৰু মিজোৰামৰ দৰে চুবুৰীয়া ৰাজ্যসমূহৰ সৈতে অসমত সীমা সংঘৰ্ষ আছে।
