কোকৰাঝাৰত দ্বিতীয় বড়োলেণ্ড বিটিআৰ শান্তি চুক্তি দিৱস উদযাপন কৰা হয় বৃহস্পতিবাৰে ৷ এই দিৱসৰ সৈতে সংগতি ৰাখি বৃহস্পতিবাৰে বিটিআৰ প্ৰধান প্ৰমোদ বড়োয়ে বিটিআৰৰ পাঁচখন জিলাৰ অৰ্থনৈতিকভাৱে দুৰ্বল অভিযান্ত্ৰিক প্ৰাৰ্থীসকলৰ জীৱন সলনি কৰাৰ বাবে এক ফ্লেগশ্বিপ প্ৰকল্প ‘চুপাৰ-৫০ বিটিআৰ’ আনুষ্ঠানিকভাৱে মুকলি কৰে ৷ বডোলেণ্ড সচিবালয় কমপ্লেক্সত বড়োলেণ্ড বিপ্লৱী ডিজিটেল আৰ্কাইভ আৰম্ভ কৰে ৷ ইয়াৰ জড়িয়তে
মুক্ত আৱাসিক গৌৰাং নদীৰ ওচৰৰ চান্দামাৰীত বোডোফা সাংস্কৃতিক কমপ্লেক্সত বডোলেণ্ড সাহিত্য, সাংস্কৃতিক আৰু ঐতিহাসিক ডিজিটেল আৰ্কাইভ আৰু বডোফা নগৰত ইতিহাস আৰু ইয়াৰ পৰিচয় সংৰক্ষণ কৰা হ’ব ৷
বিটিচি সচিবালয়ত মন্ত্ৰী, কাৰ্যবাহী সদস্য, বিধায়ক আৰু পাৰিষদ সকলৰ সৈতে বহা বৈঠকত চুপাৰ-৫০ বিটিআৰ মুকলি কৰি বিটিআৰ প্ৰধান প্ৰমোদ বড়োৱে কয় যে তেওঁৰ পৰিষদে মানৱ সম্পদ অন্বেষণৰ বাবে শিক্ষা খণ্ডক সৰ্বাধিক অগ্ৰাধিকাৰ দিছে। তেওঁ কয়- “বিটিআৰ চৰকাৰৰ এক উদ্যোগ চুপাৰ-৫০ বিটিআৰ মুকলি কৰাটো হৈছে দৰিদ্ৰ পৰিয়ালৰ মেধাৱী শিক্ষাৰ্থীসকলৰ অন্বেষণৰ এক অংশ যাৰ উদ্দেশ্য হৈছে সমাজৰ প্রান্তিক শ্ৰেণীৰ দুখীয়া মেধাৱী শিক্ষাৰ্থীসকলৰ জীৱন সলনি কৰা, সুবিধাবঞ্চিত অভিযান্ত্ৰিক হ’ব বিছৰা প্ৰাৰ্থীসকলৰ সপোনক এক মঞ্চ আৰু শাখা প্ৰদান কৰা। বিহাৰৰ চুপাৰ-৩০ ৰ সৈতে সংগতি ৰাখি চুপাৰ-৫০ ৰ লক্ষ্য আৰু দৃষ্টিভংগী হৈছে – ৫০ জন শিক্ষাৰ্থীক যোগ্যতা কৰি প্ৰতি বছৰে বিটিআৰৰ পাঁচখন জিলাৰ পৰা ১০ জনকৈ আইআইটি আৰু এনআইটিলৈ ভৰ্তি কৰা ৷
