শনিবাৰে পুৱা প্ৰায় ১০.৩০ মিনিটত গান্ধীধাম-পুৰী এক্সপ্ৰেছত এক অগ্নিকাণ্ড সংঘটিত হয় ৷ মহাৰাষ্টৰ নন্দুৰবাৰ ষ্টেচনত ৰে’লখনৰ পেন্ট্ৰী কাৰত লাগে এই জুই।
মহাৰাষ্টৰ নন্দুৰবাৰ ষ্টেচনত ৰে’লখনত এই অগ্নিকাণ্ড সংঘটিত হয়।ফলত কেইবাটাও ডবাত জুইৰ লেলিহান শিখাই আবৰি ধৰে । লগে লগে জুই লগা ডবা কেইটা আন ডবাৰ পৰা পৃথক কৰা হয় ৷ কিদৰে এই অগ্নিকাণ্ডৰ সূত্ৰপাত হ’ল সেয়া স্পষ্ট হোৱা নাই যদিও পেন্ট্ৰী কাৰৰ পৰাই এই ঘটনা হোৱাটো নিশ্চিত হৈছে ।এই অগ্নিকাণ্ডৰ ফলত কোনো লোক হতাহতৰ খবৰ অহা নাই।