লতা মংগেশকাৰৰ মৃত্যুত সমগ্ৰ দেশেই শোক প্ৰকাশ কৰিছে। বসন্ত পঞ্চমীৰ পিছদিনা জীৱিত সৰস্বতীয়ে অমৃতলোকলৈ যাত্ৰা কৰিলে। এমাহ চিকিৎসালয়ত চিকিৎসাধীন হৈ দেওবাৰে তেওঁ শেষ নিশ্বাস ত্যাগ। লতা মংগেশকাৰৰ গানবোৰ ভাৰতবাসীৰ জীৱনৰ সৈতে গভীৰভাৱে জড়িত হৈ আছে। অৱশ্যে, শিল্পীগৰাকীৰ ব্যক্তিগত জীৱনৰ বিষয়ে কিছু তথ্য এতিয়াও বহুতৰ বাবে অজ্ঞাত।
কোকিলকণ্ঠী লতাজীৰ ভাৰতত সংগীত জগতলৈ এক বৃহৎ অৱদান চিৰদিন আছে আৰু থাকিব । গতিকে তেওঁৰ ওপৰত এখন জীৱনীমূলক ছবি নিৰ্মাণ কৰাটো স্বাভাৱিক। বহুতো প্ৰযোজক আৰু পৰিচালকে তেওঁৰ ওপৰত জীৱনীমূলক ছবি কৰিব বিচাৰিছিল। বহুতো মানুহে নিজে লতা মংগেশকাৰৰ দুৱাৰমুখত এই প্ৰস্তাৱ লৈ হাজিৰ হৈছিল । কিন্তু তেওঁ কেতিয়াও ইয়াত আগ্ৰহ দেখুওৱা নাছিল। তেওঁ নিজৰ জীৱনীমূলক ছবি হোৱাটো বিচৰা নাছিল। কাৰণ সম্ৰাজ্ঞীয়ে তেওঁৰ ব্যক্তিগত জীৱন ব্যক্তিগত কৰিয়েই ৰাখিব বিচাৰিছিল।
জনা যায় যে বিগত বছৰবোৰত, প্ৰযোজক আৰু চলচ্চিত্ৰ পৰিচালকসকলে লতা মংগেশকাৰক বহুবাৰ বায়োপিকৰ বাবে অনুৰোধ কৰিছিল ৷ বহুতে এখন চলচ্চিত্ৰ নিৰ্মাণ কৰিব বিচাৰিছিল যে কেনেকৈ গায়িকাগৰাকী সকলোৰে প্ৰিয় লতা মংগেশকাৰ হৈ পৰিছিল আৰু খ্যাতি অৰ্জন কৰিছিল। বহুতো অ’টিটি প্লেটফৰ্মেও এই বিষয়টোত এটা চিৰিজ বনাব বিচাৰিছে। বহুতেই এতিয়া পৰিয়ালৰ পৰা অনুমতি বিচাৰিছে ।
