ডাব্লিউ ডাব্লিউ ই তাৰকা ‘দ্য গ্ৰেট খালি’ দলিপ সিং ৰাণাই বৃহস্পতিবাৰে ভাৰতীয় জনতা পাৰ্টিত যোগদান কৰিলে। তেওঁ পঞ্জাৱৰ বিধানসভা নিৰ্বাচনৰ ঠিক আগতে বিজেপিত যোগদান কৰিছে। ১৪ ফেব্ৰুৱাৰীত পঞ্জাৱত নিৰ্বাচন। ১০ মাৰ্চত গণনা। কেইদিনমানৰ পৰা, খালিৰ ৰাজনীতিত প্ৰৱেশৰ ওপৰত এক চৰ্চা চলি আছিল। অৱশেষত তেওঁ পঞ্জাৱৰ বিধানসভা নিৰ্বাচনৰ পূৰ্বে বিজেপিত যোগদান কৰিলে। ভাৰতীয় জনতা পাৰ্টিত যোগদান কৰাৰ পিছত খালীয়ে কয়, “মই বিজেপিত যোগদান কৰি সুখী। মই ভাবো আমাৰ প্ৰধানমন্ত্ৰীয়ে দেশৰ বাবে যি কৰি আছে তাত মোডীজীয়ে হৈছে আদৰ্শৰ প্ৰধানমন্ত্ৰী। সেয়েহে, মই অনুভৱ কৰিছো যে দেশৰ উন্নয়নৰ স্বাৰ্থত এই চৰকাৰৰ অংশ হ’ব লাগে। ‘
তাৰকা ৰেষ্টলাৰজনে ২০২০ চনত দিল্লীত কৃষকসকলৰ প্ৰতিবাদক সমৰ্থন কৰিছিল। তেওঁ ভাৰতৰ জনসাধাৰণক কৃষকসকলৰ কাষত থিয় দিবলৈ আহ্বান জনাইছিল। উল্লেখ্য যে, তেওঁ ২০০০ চনত এজন পেছাদাৰী মল্লযোদ্ধা হিচাপে কৰ্মজীৱন আৰম্ভ কৰিছিল। ইয়াৰ আগতে, তেওঁ পঞ্জাৱ আৰক্ষীত এজন বিষয়া হিচাপে কাম কৰিছিল।
