এইবাৰ বাইবেলকলৈ বিতৰ্কৰ সৃষ্টি হৈছে কৰ্ণাটকত । জানিব পৰা গৈছে যে বেংগালুৰুৰ এখন বিদ্যালয়ে শেহতীয়াকৈ শিক্ষাৰ্থীসকলক নিৰ্দেশ দিছে যে প্ৰতিজন শিক্ষাৰ্থীয়ে বিদ্যালয়লৈ বাইবেল আনিব লাগিব। শিক্ষাৰ্থীজন যি ধৰ্মৰ নহওঁক কিয়, এই আদেশ পালন কৰাটো বাধ্যতামূলক।
এই ক্ষেত্ৰত, বিদ্যালয় কৰ্তৃপক্ষই অভিভাৱকৰ পৰাও ধন সংগ্ৰহ কৰিছে। বিদ্যালয়খনে এই নিৰ্দেশনাজাৰী কৰাৰ পিছতে বিতৰ্ক আৰম্ভ হৈছে।
অভিভাৱকৰ এটা অংশই আন্দোলন কৰিছে, বিদ্যালয়খনে শিক্ষাৰ্থীসকলৰ ধৰ্মীয় অধিকাৰত হস্তক্ষেপ কৰাৰ দাবী জনাইছে। তেওঁলোকে আনকি এটা হিন্দুত্ববাদী সংগঠনৰ সহায়ত ৰাজ্যিক শিক্ষা বিভাগৰ ওচৰত অভিযোগ দাখিল কৰি আদালতলৈ যোৱাৰ সিদ্ধান্ত লৈছে।
বেংগালুৰুৰ এই বিদ্যালয়খনৰ নাম ক্লেৰেঞ্চ স্কুল। বিদ্যালয় কৰ্তৃপক্ষৰ মতে, বিদ্যালয়খনে খ্ৰীষ্টান মূল্যবোধত বিশ্বাস কৰে। শিক্ষাৰ্থীসকলে তেওঁলোকে এই মূল্যবোধবোৰ শিকাবলৈ আগ্ৰহী। তেওঁলোকে বিচাৰে যে শিক্ষাৰ্থীসকল সেই পৰিৱেশত ডাঙৰ হওক। বাইবেলখন সেই উদ্দেশ্যলৈ অনাৰ সিদ্ধান্ত গ্ৰহম কৰিছে।
অৱশ্যে, বেংগালুৰুৰ এটা হিন্দুত্ববাদী সংগঠনৰ প্ৰতিনিধিয়ে দাবী কৰিছে যে এই বিষয়টো হৈছে আন ধৰ্মৰ শিক্ষাৰ্থীসকলৰ ধৰ্মীয় অধিকাৰ উলংঘন কৰাৰ ষড়যন্ত্ৰ। গতিকে তেওঁলোকে বিদ্যালয়খনৰ বিৰুদ্ধে ৰাজ্য চৰকাৰৰ শিক্ষা বিভাগৰ ওচৰত এটা অভিযোগ দাখিল কৰে। হিন্দুত্ববাদী সংগঠনটোৱে বিষয়টোক লৈ আদালতলৈ যোৱাৰ কথা জানিবলৈ দিছে।
