প্ৰধানমন্ত্ৰী নৰেন্দ্ৰ মোডীক ৰাজ্যখনলৈ স্বাগতম জনোৱাৰ বাবে চৰকাৰ তথা প্ৰশাসন সাজু হৈছে আৰু ইয়াৰ বাবে প্ৰস্তুতি পূৰ্ণ গতিত চলিছে। কিন্তু ইয়াৰ মাজতে মহানগৰখনত চিটি বাছৰ অভাৱে গুৱাহাটীৰ স্থানীয় লোকসকলৰ মাজত সমস্যাৰ সৃষ্টি কৰিছে।
যোৱা মংগলবাৰৰ পৰা, বাছৰ অভাৱ দেখা গৈছে। প্ৰধানমন্ত্ৰীৰ অসম ভ্ৰমণৰ বাবে পৰিবহনৰ সুবিধা কৰা হৈছে।
মহানগৰীত তীব্ৰ গৰমত, স্থানীয় যাত্ৰীসকলে তেওঁলোকৰ অসন্তুষ্টি আৰু বেদনা প্ৰকাশ কৰা পৰিলক্ষিত হৈছে । বহুলোকে কমেও এঘণ্টাৰ বাবে চিটি বাছৰ বাবে অপেক্ষা কৰিব লগা হৈছে ।
ৰাজহুৱা পৰিবহনৰ দ্বাৰা অহা যোৱা কৰা শিক্ষাৰ্থীসকল বিদ্যালয় বা প্ৰতিষ্ঠানলৈ যোৱাত অসুবিধাত পৰিছে ।
ইফালে, চহৰখনৰ পৰিবহনৰ অভাৱ দূৰ কৰাৰ কোনো পৰিকল্পনা কৰা নাই প্ৰশাসনে।
উল্লেখ কৰিব পাৰি যে জিলা প্ৰশাসনেও বিষয়টোত নীৰৱতা অৱলম্বন কৰি আছে।
