অসমৰ মুখ্যমন্ত্ৰী হিমন্ত বিশ্ব শৰ্মা নেতৃত্বাধীন ভাৰতীয় জনতা পাৰ্টি (বিজেপি) চৰকাৰে আজি এবছৰীয়া কাৰ্যকাল সম্পূৰ্ণ কৰিছে।
আনহাতে কেন্দ্ৰীয় গৃহমন্ত্ৰী অমিত শ্বাহ ৰাজ্যখনলৈ দুদিনীয়া ভ্ৰমণসূচীৰে আহিছে। তেওঁ থকা সময়ছোৱাত শ্বাহে বিজেপি চৰকাৰৰ প্ৰথম বাৰ্ষিকীত কেইবাটাও প্ৰকল্প উদ্বোধন আৰু আৰম্ভ কৰিব।
বৰ্ষপূৰ্তিৰ লগতে শাসকীয় বিজেপিয়ে শ্বাহৰ ভ্ৰমণক অহা বছৰৰ পঞ্চায়ত নিৰ্বাচন আৰু ২০২৪ চনৰ লোকসভা নিৰ্বাচনৰ পূৰ্বে ইয়াৰ ভেটি অধিক শক্তিশালী কৰাৰ সুযোগ হিচাপে গ্ৰহণ কৰিছে ।
তদুপৰি চৰকাৰৰ বৰ্ষপূৰ্তি উপলক্ষে ৰাজ্যৰ বিভিন্ন প্ৰান্তত ৰাইজৰ মাজত দেখা গৈছে আনন্দোৎসৱ। ঠায়ে ঠায়ে নামঘৰ মন্দিৰত সেৱা শৰাই দিও চৰকাৰৰ দীৰ্ঘায়ু কামনা কৰা দেখা গৈছে ৰাইজক।
