প্ৰেমিকাৰ সৈতে কাজিয়াৰ পিছত, আমেৰিকাৰ এজন যুৱকে এটা সংগ্ৰহালয়ত প্ৰৱেশ কৰি ভাংচুৰ কৰে। তেওঁৰ প্ৰেমিকাৰ প্ৰতি খং কিমান উঠিছিল সেই ভাংচুৰৰ বিৱৰণ চাই বুজিব পাৰি। ক্ষতিগ্ৰস্ত ঐতিহাসিক সামগ্ৰীৰ মুঠ মূল্য গণনা কৰি, সংগ্ৰহালয় কৰ্তৃপক্ষই কৈছিল যে কমেও ৫.২ নিযুত ডলাৰ লোকচান হৈছে। যিটো ভাৰতীয় মুদ্ৰাত প্ৰায় ৪০ কোটি টকাৰ সমান। সেইটোৱেই প্ৰাৰম্ভিক গণনা। সকলো সামগ্ৰিক ক্ষতিৰ ওপৰত নিৰ্ভৰ কৰি, ক্ষতিৰ পৰিমাণ অলপ বেছি হ’বও পাৰে।
আমেৰিকা যুক্তৰাষ্ট্ৰৰ সংবাদ সংস্থাৰ মতে, যুৱকজনৰ বয়স ২১ বছৰ। তেওঁৰ নাম ব্ৰায়ান হাৰ্নান্দেজ। এখন চকীৰে ব্ৰায়ানে সোমবাৰে নিশা প্ৰায় ৯:৪০ বজাত সংগ্ৰহালয়ৰ দুৱাৰ ভাঙি প্ৰৱেশ কৰা দেখা গৈছিল। তাৰ পিছত, সংগ্ৰহালয়ৰ ভিতৰত চকীখন দলিয়াই দিয়া আৰু এটাৰ পিছত আনটো কাঁচৰ বাকচ ভঙাৰ দৃশ্য সংগ্ৰহালয়ৰ ভিতৰত স্থাপন কৰা চিচিটিভি কেমেৰাত বন্দী হয়। তাত দেখা গৈছিল যে এটা সময়ত ব্ৰায়ানে চকীখন পেলাই চেনিটাইজাৰৰ ধাতুৰ ষ্টেণ্ডটো তুলি লৈ বস্তুবোৰ ভাঙি পেলাইছিল। ক্ষতিগ্ৰস্ত হোৱা বস্তুবোৰৰ ভিতৰত আছে কিছুমান পুৰণি মূৰ্তি, প্ৰাচীন মাটিৰ পাত্ৰ।
ব্ৰায়ানে সংগ্ৰহালয়ৰ ভিতৰত লেপটপ, মনিটৰ, ফোনো ধ্বংস কৰিছিল। তেওঁ সেই কাৰ্য কিছু সময়ৰ বাবে অব্যাহত থাকে । কিন্তু নিৰাপত্তাৰক্ষীসকলৰ অৱশেষত চকুত পৰে। আৰক্ষীয়ে চিচিটিভি ফুটেজ চোৱাৰ পিছত তেওঁক গ্ৰেপ্তাৰ কৰে।
