প্ৰধানমন্ত্ৰী নৰেন্দ্ৰ মোদীয়ে অহা ডেৰ বছৰৰ ভিতৰত কেন্দ্ৰীয় চৰকাৰৰ বিভিন্ন মন্ত্ৰালয় আৰু বিভাগত দহ লাখ নিযুক্তিৰ নিৰ্দেশ দিছে৷ এই তথ্য পিএমঅ’য়ে একেদিনাই এটা টুইটযোগে প্ৰদান কৰিছে৷ কেন্দ্ৰৰ যিকোনো বিভাগত কিমানটা খালী পদ আছে চাওঁ আহক৷
এই বছৰৰ আৰম্ভণিতে, কেন্দ্ৰই সংসদক জনাইছিল যে ১ মাৰ্চ, ২০২০ তাৰিখলৈকে, কেন্দ্ৰীয় চৰকাৰৰ বিভিন্ন বিভাগত ৮.৭২ লাখ পদ খালী আছিল। কেন্দ্ৰীয় চৰকাৰৰ মুঠ অনুমোদিত পদৰ সংখ্যা আছিল ৪০ লাখ।
ৰাজহ বিভাগত প্ৰায় ৭৪,০০০ টা পদ খালী হোৱাৰ খবৰ পোৱা গৈছে৷ এই বিভাগৰ অনুমোদিত শক্তি হৈছে ১.৭৮ লাখ৷
এতিয়ালৈকে উপলব্ধ তথ্য অনুসৰি, সৰ্বাধিক সংখ্যক খালী পদ ৰে’ল, প্ৰতিৰক্ষা, ডাক বিভাগ আৰু ৰাজহ বিভাগত আছে৷ ৰে’লৱেৰ ১৫ লাখ অনুমোদিত পদৰ ভিতৰত প্ৰায় ২.৩ লাখ খালী পদ আছে৷
ডাক বিভাগত ৯০,০০০ টা পদ খালী হৈ আছে৷ ডাক বিভাগত অনুমোদিত পদৰ সংখ্যা ২.৬৭ লাখ৷
প্ৰতিৰক্ষা মন্ত্ৰালয়ৰ অধীনৰ অসামৰিক বিভাগত প্ৰায় ২.৫ লাখ পদ খালী আছে য’ত ৬.৩৩ লাখ অনুমোদিত পদ আছে।
গৃহ মন্ত্ৰালয়ত মুঠ ১০.৮ লাখ অনুমোদিত পদ আছে, য’ত ১ লাখ ৩০ হাজাৰ পদ খালী আছে।