কেৱল চিগাৰেটতে নহয়, প্ৰতিটো চিগাৰেটত এইবাৰ সতৰ্কবাণী লিখা থাকিব । কানাডিয়ান চৰকাৰে শেহতীয়াকৈ এইটোৱেই সিদ্ধান্ত লৈছে। চিগাৰেটৰ পেকেটত ধূমপানৰ ক্ষতিকাৰক প্ৰভাৱৰ ছবিবোৰে দীৰ্ঘদিন ধৰি কোনো ফলাফল নিদিয়া বাবে দেশখনৰ চৰকাৰে এই বিষয়টোত অধিক কঠোৰ স্থিতি গ্ৰহণ কৰিছে। এনে সিদ্ধান্ত লোৱা কানাডাই হ’ব বিশ্বৰ প্ৰথমখন দেশ।
দুটা দশকৰ আগতে, কানাডাই চিগাৰেটৰ পেকেটত ধূমপানৰ ক্ষতিকাৰক পৰিণামৰ ফটো দিয়াৰ সিদ্ধান্ত লৈ এক উদাহৰণ স্থাপন কৰিছিল। দেশখনৰ স্বাস্থ্য মন্ত্ৰী কেৰোলিন বেনেটে কয় যে, “আমি ভাবো ছবিখনে ইয়াৰ বিশেষত্ব হেৰুৱাইছে। মানুহৰ মনত ইয়াৰ প্ৰভাৱো হ্ৰাস পাইছে। অৱশ্যে, এই বিষয়ে আমাৰ চিন্তা হৈছে। সেয়েহে, ইয়াৰ ওপৰত পদক্ষেপ লোৱাটো জৰুৰী। ”
