ডায়েবেটিক ৰোগীসকলে প্ৰায়ে যথেষ্ট খাদ্য পৰিহাৰ কৰিব লগা হয়। বিশেষকৈ, মিঠা খাদ্য আৰু ফল বহুতো নিয়ম অনুসৰি খাব লাগে। গ্ৰীষ্মকালত, আটাইতকৈ প্ৰিয় ফলবোৰৰ ভিতৰত এটা হৈছে কঁঠাল। কিন্তু ডায়েবেটিক ৰোগীসকলে কঁঠাল খাব পাৰিবনে? বিশেষজ্ঞসকলে কি কয়?
পুষ্টিবিদসকলে খাদ্য এটাই শৰীৰত চেনীৰ স্তৰ কিমান বৃদ্ধি কৰে সেয়া জোখে, মুখ্যতঃ গ্লাইচেমিক সূচকৰ জৰিয়তে। বিশেষজ্ঞসকলে কৈছে যে ১০০ ৰ ভিতৰত কঁঠালৰ গ্লাইচেমিক সূচক প্ৰায় ৫০ ৰ পৰা ৬০ শতাংশ থাকে । অৰ্থাৎ, কঁঠালৰ গ্লাইচেমিক সূচক মজলীয়া। ইয়াৰ উপৰিও, কঁঠালত যথেষ্ট আঁহ থাকে, যি হজম প্ৰক্ৰিয়া হ্ৰাস কৰে, যাতে ৰক্ত শৰ্কৰাৰ স্তৰ হঠাতে বৃদ্ধি হোৱাৰ আশংকা হ্ৰাস হয়। মুঠতে, ডায়েবেটিচ ৰোগীসকলে কম পৰিমাণৰ কঁঠাল খাব পাৰে। অৱশ্যে, সকলোৰে ৰোগৰ তীব্ৰতা একে নহয়, সেয়েহে যদি আপুনি কঁঠাল খাব লগা হয়, তেন্তে বিশেষজ্ঞৰ পৰামৰ্শ লওঁক।
ইয়াৰ উপৰিও, বিশেষজ্ঞসকলে কয় যে যিসকলৰ এলাৰ্জিৰ সমস্যা আছে, তেওঁলোকে এই ফলপৰিহাৰ কৰা ভাল। কিছুমান ক্ষেত্ৰত, কঁঠালৰ প্ৰতিক্ৰিয়াস্বৰূপে তেজ গোট মৰাৰ সমস্যা হ’ব পাৰে। আনকি বৃক্কৰ সমস্যা থাকিলেও, আপুনি ইয়াক খাব নালাগে। কিয়নো, কঁঠালে তেজত পটাছিয়ামৰ স্তৰ বৃদ্ধি কৰিব পাৰে।
