নিউজ ডেস্ক, ১৬ জুলাইঃ ইণ্টাৰনেটত মানুহে গোটেই পৃথিৱীৰ বিখ্যাত চেলিব্ৰিটিসকলৰ দৰে দেখা মানুহ আৱিষ্কাৰ কৰি থাকে। কোনোবাই এগৰাকী অসমীয়া ছোৱালী আৰু আলিয়া ভাটৰ মাজত সাদৃশ্য লক্ষ্য কৰিছে। তেওঁৰ নাম চেলেষ্টি। সামাজিক মাধ্যমত প্ৰভাৱশালী তেওঁ । তেওঁৰ ইনষ্টাগ্ৰাম প্ৰ’ফাইলৰ ফটোবোৰ ভাইৰেল হৈ আছে আৰু অনুৰাগীসকলে আলিয়া ভাটৰ সৈতে তেওঁৰ আকৰ্ষণীয় সাদৃশ্য দেখি বিভ্ৰান্ত হৈ পৰিছে।
চেলেষ্টিয়ে অলপতে এটা ভিডিঅ’ শ্বেয়াৰ কৰিছিল য’ত তেওঁক ক’লা স্কাৰ্টৰ সৈতে বগা টপ পিন্ধা দেখা গৈছিল। সেয়া আছিল ৰাজস্থানত দৃশ্যগ্ৰহণ কৰা ভিডিঅ’। ভিডিঅ’টোৱে সকলোৰে মনোযোগ আকৰ্ষণ কৰিছিল আৰু লগে লগে ভাইৰেল হৈ পৰিছিল। ছচিয়েল মিডিয়া ব্যৱহাৰকাৰীসকলে তেওঁক এতিয়া আলিয়াৰ সৈতে তুলনা কৰি মন্তব্য কৰিছে । এতিয়া বহুতেই প্ৰশ্ন কৰিছে যে অসমীয়া আলিয়া ভাটে শীঘ্ৰেই বলিউড নগৰীত ভৰি থ’ব নেকি?