পাকিস্তানৰ অৰ্থনীতিৰ অৱস্থা শ্ৰীলংকাৰ দিশে । মুদ্ৰাৰ বৃহৎ অৱমূল্যায়নৰ বাবে, প্ৰথমে ইমৰান আৰু পিছত শ্বাহবাজ শ্বৰীফৰ নেতৃত্বত পাকিস্তান চৰকাৰৰ ত্ৰুটিপূৰ্ণ নীতিৰ বাবে, দেশখনৰ ঋণ ৬০ লাখ কোটি পাকিস্তানী টকাত উপনীত ৎহৈছে। অসহনীয় ঋণৰ সন্মুখীন হৈ থকা পাকিস্তানে শ্ৰীলংকাৰ দৰে দেউলিয়া হোৱাৰ পথত আছে নেকি?
শেহতীয়াকৈ, পাকিস্তানৰ ষ্টেট বেঙ্কে দেশখনৰ ঋণ সম্পৰ্কীয় তথ্য প্ৰকাশ কৰিছে। ই দেখুৱাইছে যে যোৱা এটা বিত্তীয় বৰ্ষত, পাকিস্তানৰ চৰকাৰী ঋণ আছিল ৯ লাখ ৩০ হাজাৰ কোটি পাকিস্তানী টকা। কিন্তু জুন ২০২২ -ৰ শেষলৈ, এই ঋণ এক অভিলেখ স্তৰত উপনীত হৈছে।
পাকিস্তানৰ প্ৰাক্তন প্ৰধানমন্ত্ৰী ইমৰান খান ক্ষমতালৈ আহোতে আৰু তেওঁৰ পূৰ্বৰ চৰকাৰসমূহক কাঠগড়াত ৰাখিছিল। তেওঁ অভিযোগ কৰিছিল যে পূৰ্বৰ চৰকাৰে দেশখনক ঋণগ্ৰস্ত কৰি তুলিছিল। তেওঁ দেশবাসীক এই ঋণৰ বোজাৰ পৰা উদ্ধাৰ কৰাৰ প্ৰতিশ্ৰুতি দিছিল। কিন্তু তথ্য অনুসৰি, তেহৰিক-ই-ইনচাফ চৰকাৰৰ দিনত ঋণৰ পৰিমাণ ৪৩ মাহত সৰ্বাধিক আছিল। যেতিয়া ইমৰানে এপ্ৰিলত প্ৰধানমন্ত্ৰীপদৰ পৰা পদত্যাগ কৰিছিল, চৰকাৰৰ নতুন ঋণৰ পৰিমাণ আছিল ১৯,১৫,০০০ কোটি পাকিস্তানী টকা।
প্ৰতিবেদন অনুসৰি, ইমৰানৰ শাসনকালত কম কৰ সংগ্ৰহ, মুদ্ৰাৰ মূল্য হ্ৰাস, উচ্চ সূতৰ হাৰ, অত্যাধিক ব্যয়ৰ লগতে ৰাজ্যিক মালিকানাধীন কোম্পানীবোৰৰ লোকচানৰ বাবে চৰকাৰী ঋণ আকাশচুম্বী হৈছিল।
