দেশৰ যুৱ প্ৰজন্মই পৰ্যাপ্ত পৰিমাণে সুৰাপান কৰা নাই। আৰু ইয়াৰ বাবে জাপান চৰকাৰ চিন্তিত হৈ পৰিছে। জাপানৰ বিভিন্ন গৱেষণাৰ পৰা দেখা গৈছে যে মহামাৰীৰ পিছত সেই দেশৰ যুৱক-যুৱতীসকলে পৰ্যাপ্ত পৰিমাণে সুৰাপান কৰাৰ পৰা বিৰত আছে। মহামাৰীৰ পৰিস্থিতি উন্নত হোৱাৰ পাছতো হ্ৰাস পাইছে সুৰাৰ বিক্ৰী। সুৰা বিক্ৰীৰ পৰা জাপান চৰকাৰে বৃহৎ ৰাজহ সংগ্ৰহ কৰে। বিশ্বৰ তৃতীয় বৃহত্তম অৰ্থনীতিৰ দেশখনত এক নৱ প্ৰজন্মৰ সুৰাৰ প্ৰতি থকা বিদ্বেষে ক্ষতিগ্ৰস্ত কৰিছে। মদৰ বিক্ৰী কেনেকৈ বৃদ্ধি কৰিব? সেইখন দেশৰ চৰকাৰ ব্যস্ত হৈ পৰিছে নতুন নতুন উপায় আৰু চেষ্টাত।
যুৱক-যুৱতীসকলক অধিক মদ্যপান কৰিবলৈ উৎসাহিত কৰাৰ বাবে চৰকাৰে বিভিন্ন প্ৰতিযোগিতাও আৰম্ভ কৰিছে। জাপানৰ ‘নেশ্যনেল টেক্স এজেন্সী’ৰ তত্বাৱধানত আৰম্ভ হৈছে ‘ছাকে ভিভা’ নামৰ এক অভিযান, যাৰ মূল উদ্দেশ্য হৈছে যুৱক-যুৱতীসকলৰ মাজত সুৰাপানৰ চাহিদা বৃদ্ধি কৰা।
এই অভিযানৰ উদ্দেশ্য হৈছে জাপানীজ সকলো প্ৰকাৰৰ সুৰাৰ প্ৰচাৰ। এক প্ৰতিযোগিতাৰো আয়োজন কৰা হৈছে য’ত প্ৰতিযোগীসকলে উপস্থিত থাকিব আৰু সুৰা বিক্ৰী বৃদ্ধিৰ বিভিন্ন উপায় উপস্থাপন কৰিব। প্ৰতিযোগিতাৰ শেষত যাৰ হাতত উত্তম উপায় থাকে তেওঁ প্ৰতিযোগিতাত জয়ী হয়। ‘ৰাষ্ট্ৰীয় কৰ সংস্থা’ৰ মতে, এই প্ৰতিযোগিতাত অংশগ্ৰহণৰ বাবে আবেদন কৰাৰ শেষ তাৰিখ ৯ ছেপ্টেম্বৰ। অক্টোবৰ মাহত নিৰ্বাচিত হ’ব চূড়ান্ত প্ৰতিযোগীসকল। আৰু নৱেম্বৰ মাহত অনুষ্ঠিত হ’ব এই প্ৰতিযোগিতাৰ ফাইনেল। কৰ কাৰ্যালয়ৰ মতে, বিজয়ী পথটোৱে কাম কৰিবলৈ চৰকাৰৰ পৰা ধন আৰু সহায় লাভ কৰিব।
কিন্তু জাপান চৰকাৰে সুৰাৰ বিক্ৰী বৃদ্ধিৰ বাবে লোৱা এই নতুন পদক্ষেপক বিভিন্ন ক্ষেত্রত সমালোচনা কৰা হৈছে৷
