আমেৰিকালৈ যাবলৈ দুটাকৈ covid টিকাকৰণ বাধ্যতামূলক আৰু জোকোভিচ টিকাকৰণৰ বিৰোধী, সেয়ে তেওঁ নাম প্ৰত্যাহাৰ কৰিবলৈ বাধ্য হৈছিল। তেওঁ এই দুৰ্ভাগ্যজনক সিদ্ধান্তৰ বিষয়ে অৱগত কৰিছে।
আই এছ টি নিশা প্ৰায় ৮ বজাত জ’কভিচে টুইট কৰি কয় যে দুখৰ বিষয় যে মই এইবাৰ ইউ এছ অ’পেনৰ বাবে নিউয়ৰ্কলৈ যাব নোৱাৰিম।মোৰ সতীৰ্থ খেলুৱৈসকললৈ শুভেচ্ছা জ্ঞাপন কৰিলোঁ। মই নিজকে ফিট আৰু ইতিবাচক মনোভাৱত ৰাখিম আৰু পুনৰ প্ৰতিযোগিতাত অংশগ্ৰহণ কৰাৰ সুযোগৰ বাবে আগ্ৰহেৰে বাট চাই থাকিম। ‘
ইউ এছ অ’পেন টুৰ্ণামেণ্টৰ পৰিচালক ষ্টেচি এলাষ্টেয়াৰে জোকাৰৰ অনুপস্থিতিক দুৰ্ভাগ্যজনক বুলি অভিহিত কৰে। তেওঁ কয় যে নোভাক এজন চেম্পিয়ন আৰু ২০২২ চনৰ ইউ এছ অ’পেনত তেওঁ অংশগ্ৰহণ কৰিব নোৱাৰিব সেয়া দুৰ্ভাগ্যজনক। কাৰণ ফেডাৰেল চৰকাৰে অনা-আমেৰিকান নাগৰিকৰ বাবে টিকাকৰণ নীতি। ২০২৩ চনৰ ইউ এছ অ’পেনত নোভাকক পুনৰ আদৰণি জনোৱাৰ বাবে আগ্ৰহী।’
জ’কভিচে ভেকচিন গ্ৰহণ কৰা নাছিল, তেওঁৰ শৰীৰত যিখিনি সোমাব তাৰ ওপৰত তেওঁৰ নিয়ন্ত্ৰণ থাকিব বুলি দাবী কৰিছিল। ইয়াৰ বাবেই তেওঁক বছৰৰ প্ৰথমটো গ্ৰেণ্ড শ্লেম অষ্ট্ৰেলিয়ান অ’পেনৰ পৰা বহিষ্কাৰ কৰা হয়। তেওঁক অৱশ্যে পৰম্পৰাগত উইম্বলডনত খেলিবলৈ অনুমতি দিয়া হৈছিল আৰু তেওঁ খিতাপ দখল কৰিছিল। ইফালে, আমেৰিকাৰ টেনিছ কিংবদন্তি জন মেকএনৰোৱে টিকাকৰণৰ অজুহাতত জ’কভিচৰ খেলিব নোৱাৰাক হাস্যকৰ বুলি অভিহিত কৰে।
