কাইলৈ ডিজনী প্লাছ হটষ্টাৰত মুক্তি পাব দক্ষিণ অভিনেত্ৰী তামান্না ভাটিয়াৰ বহু প্ৰতীক্ষিত ছবি ‘বাবলি বাউন্সাৰ’। চিনেমা প্ৰেমী সকলে চিনেমাখনক লৈ বৰ কৌতুহলী। মধুৰ ভাণ্ডাৰকাৰৰ পৰিচালনাত নিৰ্মিত এই চিনেমাখনত দৰ্শকে এক বেলেগ তামন্নাক চাবলৈ পাব।
ইয়াৰ মাজতে তেওঁলোকে চিনেমাখনৰ ট্ৰেইলাৰ আৰু পোষ্টাৰত তেওঁৰ আভাস দেখিবলৈ পাইছে। কেৱল সেয়াই নহয়, তামান্নাই এই চিনেমাখনৰ ভূমিকাক নিজৰ কেৰিয়াৰৰ শ্ৰেষ্ঠ অভিনয় বুলি গণ্য কৰে। শেহতীয়াকৈ ভাৰতীয় সংবাদ মাধ্যমক দিয়া এক সাক্ষাৎকাৰত এই কথা দাবী কৰিছে অভিনেত্ৰী গৰাকীয়ে।
তমন্নাই কয়, ‘মধুৰ ভাণ্ডাৰকাৰ ছাৰে তেওঁৰ চিনেমাত নাৰীক সদায় মূল্য দি আহিছে। আনকি অভিনেত্ৰীৰ পৰা শ্ৰেষ্ঠ অভিনয় উলিয়াই অনাতো তেওঁ পাকৈত। কামত তেওঁ কেতিয়াও আপোচ নকৰে। আৰম্ভণিতে এই চৰিত্ৰটোৰ প্ৰতি মোৰ যথেষ্ট ভয় আছিল। কাৰণ চৰিত্ৰটোৱে হৰিয়ানী শিকিবলৈ, গুলী মাৰিবলৈ, বিটবক্স শিকিবলৈ আদি কঠিন কামবোৰ কৰাৰ প্ৰয়োজন আছিল। এইবোৰ ঠাইত মধুৰ ভাণ্ডাৰকাৰ ছাৰে মোক কামটো সহজ কৰি তোলাত বহুত সহায় কৰিছিল। তেওঁ মোৰ মাজত থকা শ্ৰেষ্ঠখিনি উলিয়াই আনিলে। মই ভাবো যে মোৰ কেৰিয়াৰৰ এইটোৱেই মোৰ শ্ৰেষ্ঠ প্ৰদৰ্শন।’
বাবলীৰ ভূমিকা সম্পৰ্কে কয়, ‘চিনেমাখনৰ কাহিনী শুনি মই সুযোগ পাবলৈ অপেক্ষা কৰি আছিলো। এনে লাগিল যেন ইমান দিনে এই চৰিত্ৰটো বিচাৰি আছিলো। ইয়াৰ পিছত বাবলীক ধৰি ৰাখিবলৈ বহুদিন কাম কৰিলো। মই ভাবো, চিনেমাখন চোৱাৰ পিছত বহুতে ভাবিব যে বাবলি নিজেই।