প্ৰাচীন নাৰীৰ হাতত “লেপটপ”! ‘টাইম ট্ৰেভেল’ক লৈ উত্থাপন হৈছে প্ৰশ্ন!

সময়ক মাধ্যম হিচাপে ব্যৱহাৰ কৰি বৰ্তমানৰ পৰা অতীতলৈ বা ভৱিষ্যতলৈ যাত্ৰা কৰাটো সঁচাকৈয়ে সম্ভৱনে? বিজ্ঞান আৰু প্ৰযুক্তিবিদ্যাই এতিয়াও সেই প্ৰশ্নবোৰৰ উত্তৰ বিচাৰি আছে। অৱশ্যে কেতিয়াবা এনে ‘প্ৰমাণ’ চকুৰ সন্মুখত আহে, যাৰ বাবে বৈজ্ঞানিক ব্যাখ্যাক লৈ প্ৰশ্ন উত্থাপন হয়। কেলিফৰ্ণিয়াতো একেধৰণৰ ঘটনা সংঘটিত হৈছিল। মালিবুৰ জেপেলিন জেটি মিউজিয়ামত প্ৰদৰ্শিত হৈছিল এটা প্ৰাচীন মূৰ্তি। এই মূৰ্তিটোৰ নাম ‘গ্ৰেভ নাইকছ অৱ এ এনথ্ৰনড উইমেন উইথ এ এটেণ্ডেণ্ট’। প্ৰতিমূৰ্তিৰ তলত সেই সময়ছোৱাৰ কথাও উল্লেখ কৰা হৈছে। খ্ৰীষ্টপূৰ্ব ১০০ চন।

এইটো ইমান প্ৰাচীন প্ৰতিমূৰ্তি, ইয়াৰ ওপৰত প্ৰতিমূৰ্তি নিৰ্মাণ দেখি সকলোৱে আচৰিত হয়। মহিলা মূৰ্তিৰ হাতত লেপটপ। কিন্তু ইমান পুৰণি ছবি এখনত কিয় খোদিত কৰা হৈছে লেপটপটো? কিন্তু ‘টাইম ট্ৰেভেল’ৰ ধাৰণাটো সঁচা নেকি, বহুতে এই প্ৰশ্ন উত্থাপন কৰিছে।

এই প্ৰতিমূৰ্তিটোৰ উচ্চতা ৩৭ ইঞ্চি। সিংহাসনৰ দৰে চকী এখনত বহি আছে এগৰাকী নাৰী মূৰ্তি। পাতল বাকচ এটাৰ ঢাকনি খুলি মানুহজনীৰ সন্মুখত থিয় হৈ আছে তাইৰ চাকৰ। মহিলাগৰাকীয়ে বাকচটো অতি সযতনে নিৰীক্ষণ কৰি আছে। তলৰ ফালে বাকচটোৰ কাষত দুটা সৰু সৰু ফুটাও খোদিত কৰা হৈছে। এবাৰ চকু ফুৰালে যেন মহিলাগৰাকীয়ে লেপটপৰ স্ক্ৰীণলৈ চাই কিবা এটা চাই আছে। ফুটাবোৰ লেপটপত দুটা ইউএছবি পৰ্ট।

কিন্তু এই প্ৰসংগত বহুতে প্ৰতিতৰ্ক লৈ ওলাই আহিছে। বোলে গহনা বাকচ। গতিকে মহিলাগৰাকীয়ে মন দি পৰ্যবেক্ষণ কৰি আছে। বহুতে ধেমালিতে ইয়াক পিজ্জাৰ বাকচৰ লগত তুলনা কৰিছে।