আফ্ৰিকা মহাদেশত চীনৰ আন্তঃগাঁথনি প্ৰকল্প সমগ্ৰ অঞ্চলটোৰ বাবে চিন্তাৰ কাৰণ হৈ পৰিছে। সমগ্ৰ আফ্ৰিকা মহাদেশতে চীনত নিৰ্মিত চোৰাংচোৱা ব্যৱস্থা বৃদ্ধি পাইছে। আৰু এই ক্ৰমবৰ্ধমান চোৱাচিতা ব্যৱস্থাৰ লগে লগে চীনে হয়তো অতি সোনকালে নিজৰ ব্যৱস্থা সক্ৰিয় কৰি আফ্ৰিকাৰ বেছিভাগ দেশতে কাম কৰিব। এক প্ৰতিবেদনত দ্য চিটিজেনৰ সংবাদ মাধ্যমে এনে তথ্য দিছে।
প্ৰতিবেদন অনুসৰি চীনে বিশেষভাৱে পশ্চিম আফ্ৰিকাৰ দেশ যেনে চেনেগাল, ঘানা, ছিয়েৰা লিয়ন, গিনি, নাইজেৰিয়া, গাম্বিয়া আৰু ট’গোৰ ওপৰত গুৰুত্ব দিবলৈ আৰম্ভ কৰিছে। এই ক্ষেত্ৰত এই দেশসমূহৰ অধিকাংশৰে অনাদৃত প্ৰাকৃতিক সম্পদ আছে যিবোৰ চীনে নিজৰ প্ৰাকৃতিক সম্পদৰ প্ৰয়োজনীয়তাৰ বাবে শোষণ কৰিবলৈ সংৰক্ষিত বনাঞ্চল হিচাপে ভাবে। পশ্চিম আফ্ৰিকাৰ আটাইতকৈ সৰু কাউন্টি গাম্বিয়াত কিছুদিনৰ পৰা প্ৰতিবাদৰ সৃষ্টি হৈছে।
২০১৬ চীনৰ মালিকানাধীন মাছৰ গুড়িৰ এটা প্ৰতিষ্ঠানে এই অঞ্চলত এটা কাৰখানা খুলিছিল, ইয়াৰ সকলো আৱৰ্জনা সাগৰত পেলাই দিছিল। এই আৱৰ্জনা পেলোৱা সাগৰীয় জীৱ-জন্তুৰ পৰা আৰম্ভ কৰি এতিয়া সাগৰৰ পাৰৰ জীৱন যথেষ্ট ভাবুকি কঢ়িয়াই আনিছে। প্ৰদূষণ বিয়পিবলৈ আৰম্ভ কৰাৰ কিছু সময়ৰ পাছতে স্থানীয় ৰাইজে অভিযোগ উত্থাপন কৰে, পানীৰ ৰং সলনি হ’বলৈ ধৰিলে আৰু সংৰক্ষিত বন্যপ্ৰাণীৰো মৃত্যু হ’বলৈ ধৰিলে।
ইফালে, সেই অঞ্চলৰ স্থানীয় চৰকাৰৰ পৰা কোনো ধৰণৰ প্ৰতিকাৰৰ ব্যৱস্থা গ্ৰহণ কৰা হোৱা নাই বুলি স্থানীয় ৰাইজে জানিবলৈ দিয়ে।
ইফালে ছিংগাপুৰ পোষ্টৰ এক প্ৰতিবেদন অনুসৰি চীনে আফ্ৰিকাৰ ৩৫খনতকৈও অধিক দেশৰ বাবে বৃহৎ সংখ্যক চৰকাৰী ভৱন নিৰ্মাণ কৰিছে। ২০১৮ চনত ফ্ৰান্সৰ এখন বাতৰি কাকতে ইথিওপিয়াৰ আদিছ আবাবাৰ আফ্ৰিকান ইউনিয়নৰ ভৱনৰ পৰা চীনা কোম্পানীয়ে স্পৰ্শকাতৰ তথ্য চুৰি কৰা বুলি প্ৰকাশ কৰিছিল।
অট্টালিকাটোত থকা কম্পিউটাৰত ডাটা চুৰিৰ বাবে ব্যৱহাৰ কৰা বহুতো চাৰ্ভাৰ আছিল, যিবোৰে চীনৰ চাংহাইলৈ ডাটা ট্ৰেন্সফাৰ কৰিবলৈ সক্ষম হৈছিল। চীনৰ বাবে সমগ্ৰ ৰিগিং প্ৰক্ৰিয়াটো সহজ কৰি তোলা হৈছিল বুলি প্ৰতিবেদনত কোৱা হৈছে, কিয়নো চীনে বিত্তীয় সাহায্যৰ উপৰিও আফ্ৰিকান ইউনিয়নৰ বাবে অট্টালিকা নিৰ্মাণৰ কামত জড়িত আছিল। এই ঘটনাই আফ্ৰিকা মহাদেশৰ বিভিন্ন দেশত চীনৰ প্ৰকল্পৰ সম্যক পৰ্যালোচনাৰ কথা পোহৰলৈ আনে।
আফ্ৰিকা মহাদেশত বিগত দুটা দশকত চীনৰ বিনিয়োগৰ অসাধাৰণ বৃদ্ধি দেখা গৈছে। এই বিনিয়োগসমূহ সমগ্ৰ মহাদেশখনৰ আন্তঃগাঁথনি নিৰ্মাণ প্ৰকল্প যেনে পথ, ৰে’লপথ, বন্দৰ, শক্তি কেন্দ্ৰ আৰু মাছ ধৰা উদ্যোগৰ পৰা আৰম্ভ কৰি দূৰসংযোগৰ আন্তঃগাঁথনিলৈকে আছিল।