আজি প্ৰধানমন্ত্ৰী নৰেন্দ্ৰ মোদীয়ে উদ্বোধন কৰিব ইটানগৰৰ নৱনিৰ্মীত ড’নি প’ল এয়াৰপ’ৰ্ট

নিউজ ডেস্ক, ১৯ অক্টোবৰঃ আজি অৰুণাচললৈ আহিব দেশৰ প্ৰধানমন্ত্ৰী নৰেন্দ্ৰ মোদী। প্ৰধানমন্ত্ৰীয়ে উদ্বোধন কৰিব ইটানগৰৰ নৱনিৰ্মীত ড’নি প’ল এয়াৰপ’ৰ্ট। ৬৬৫ কোটি টকা ব্যয় সাপেক্ষে নিৰ্মাণ কৰা হৈছে বিমান বন্দৰটো। অৰুণাচলৰ ৰাজধানী ইটানগৰত সম্পূৰ্ণকৈ সজাই পৰাই তোলা হৈছে বিমানবন্দৰটো। বাঁহেৰে নিৰ্মাণ কৰা হৈছে ৩০ ফুট ওখ, ৮২ ফুট প্ৰস্থৰ প্ৰৱেশদ্বাৰ। বিমান বন্দৰটো ৬৯০ একৰতকৈও অধিক এলেকাত নিৰ্মাণ কৰা হৈছে। এই বিমানবন্দৰটোৰ আধাৰশিলা ২০১৯ চনত প্ৰধানমন্ত্ৰী মোডীয়ে স্থাপন কৰিছিল।