হাতত তৰা, গোৰোহাত পাহাৰ, কান্ধত উৰন্ত চৰাই, কঁকালত পখিলা, পিঠিত ত্ৰিশূল – টেটু আধুনিক জীৱনশৈলীৰ অংশ হৈ পৰিছে।
কিন্তু গৱেষকসকলে কি কয়?
টেটু এটা ষ্টাইল ষ্টেটমেন্টত পৰিণত হৈছে। বহুতৰে মতে টেটু কেৱল শৈলীৰ বক্তব্যই নহয়, প্ৰকাশৰ মাধ্যমো। এজন প্ৰিয়জনৰ জন্মদিন, মাতৃৰ ছবি, ভগৱানৰ মুখ, প্ৰিয় কবিৰ কবিতাৰ কেইশাৰীমান। টেটুৰ বিষয়বস্তু যিকোনো হ’ব পাৰে। এই বিশেষ শিল্পৰ এটা নান্দনিক দিশ আছে। অধ্যয়নত দেখা গৈছে যে টেটুৰ ক্ষতিকাৰক প্ৰভাৱ। টেটুৱে শৰীৰৰ ৰূপ বৃদ্ধি কৰে যদিও অজানিতে গুৰুতৰ ক্ষতি কৰে।
টেটু কৰাত ব্যৱহাৰ কৰা সঁজুলি আৰু ৰংবোৰে ক্ষতি কৰিব পাৰে। যদি যন্ত্ৰপাতিবোৰ বীজাণুমুক্ত কৰা নহয় তেন্তে বেক্টেৰিয়াৰ সংক্ৰমণ হ’ব পাৰে।
টেটু কৰিলে হেপাটাইটিছৰ সম্ভাৱনা বৃদ্ধি পায়। একে বেজী ভাগ কৰি লোৱাৰ ফলত এই সমস্যা হয়। ই অতি গুৰুত্বপূৰ্ণ। টেটু কৰাৰ বাবে পৰিষ্কাৰ ঠাই বাছি ল’ব লাগে। তাৰ আগতে চিকিৎসকৰ পৰামৰ্শ, নিজৰ ছালৰ বিষয়ে সজাগতা প্ৰয়োজন।
ৰাসায়নিক পদাৰ্থ, কৃত্ৰিম ৰং, বিষাক্ত চিয়াঁহী আদিয়ে কেতিয়াবা ছালৰ কৰ্কট ৰোগ সৃষ্টি কৰিব পাৰে। টেটুৰ দ্বাৰা ছালৰ কোষত মেলানোমা বৃদ্ধি পায়। যেতিয়াই আপুনি অনুভৱ কৰে যে বিষাক্ত টেটু চিয়াঁহীয়ে আপোনাৰ ছালত প্ৰতিক্ৰিয়া প্ৰকাশ কৰিছে, তেতিয়াই চিকিৎসকৰ পৰামৰ্শ লওক।
তথ্য অনুসৰি টেটু কৰা ছালে ঘাম ৫০% হ্ৰাস কৰে। যিসকলৰ গোটেই শৰীৰত ডাঙৰ ডাঙৰ টেটু থাকে তেওঁলোকৰ ক্ষেত্ৰত নিঃসৰণ তন্ত্ৰ প্ৰভাৱিত হয়। লগতে টেটু কৰা ছালৰ অংশটোৱে পুষ্টিকৰ উপাদান হেৰুৱাই পেলায়। এজন অদক্ষ টেটু আৰ্টিষ্টে ছাল ফুলাব পাৰে।
