এতিয়াৰে পৰা এছিয়াৰ খেলুৱৈ হৈ পৰিল ৰোনাল্ডো, কেইবা কোটি টকাত কৰিলে চুক্তি

নিউজ ডেস্ক, ৩১ ডিচেম্বৰঃ বিশ্বৰ অন্যতম ফুটবল খেলুৱৈ খ্ৰিষ্টিয়ানো ৰোনাল্ডোই যোগদান কৰিলে চৌদি আৰৱৰ ক্লাব আল নাছৰত । ২০২৫ বৰ্ষলৈ ক্লাবটিৰ সৈতে চুক্তিবদ্ধ হোৱা খ্ৰিষ্টিয়ানো ৰোনাল্ডো ইয়াৰ পূৰ্বে আছিল মানচেষ্টাৰ ইউনাইটেড নামৰ জনপ্ৰিয় ইংৰাজী ফুটবল ক্লাবটিত। কিন্তু বিভিন্ন ধৰণৰ বিতৰ্কৰ বাবে ক্লাবটিয়ে চুক্তি ভংগ কৰিবলৈ বাধ্য হয় খেলুৱৈ গৰাকীৰ সৈতে ।

উল্লেখ্য যে, খেলুৱৈ গৰাকীয়ে ৩৭ বছৰ বয়সতো প্ৰায় ২০০ মিলিয়ন ডলাৰ প্ৰতি বছৰে লাভ কৰিব নতুন ক্লাবটিৰ পৰা । এই চুক্তি ইতিমধ্যেই সম্পন্ন হৈছে খেলুৱৈ গৰাকী আৰু ক্লাবটিৰ স্বত্বাধিকাৰীৰ সৈতে ।