বিতৰ্কৰ বাবে কংগনা ৰানাৱতৰ নাম বেছিভাগ সময়তে শিৰোনামত থাকে। কিন্তু এইবাৰ কাৰণ বেলেগ। অভিনেত্ৰী হিচাপে কংগনাই ‘ইমাৰ্জেন্সি মুভি’ৰ শ্বুটিং সম্পূৰ্ণ কৰিছে। আৰু সেই ছবিখন পোষ্ট কৰি তেওঁ চাঞ্চল্যকৰ তথ্য প্ৰকাশ কৰিছে।
‘ইমাৰ্জেন্সি’ চিনেমাত কংগনাই প্ৰাক্তন প্ৰধানমন্ত্ৰী ইন্দিৰা গান্ধীৰ চৰিত্ৰত অভিনয় কৰিছে। মূৰত কেঁচা চুলি, সামান্য মেকআপ, দেখাত সাইলাখ ইন্দিৰা বুলি ইতিমধ্যে বিভিন্ন মহলৰ পৰা প্ৰশংসা লাভ কৰিছে অভিনেত্ৰীগৰাকীয়ে। কিন্তু কংগনাই এতিয়া কৈছে যে এই চিনেমাখন নিৰ্মাণ কৰিবলৈ তেওঁ কিমান প্ৰত্যাহ্বান ল’বলগীয়া হৈছিল। ছবিখনৰ শ্বুটিঙৰ ছবি শ্বেয়াৰ কৰি অভিনেত্ৰী আৰু পৰিচালকগৰাকীয়ে কয় যে তেওঁ নিজৰ সকলো সম্পত্তি বন্ধকত ৰাখি ‘ইমাৰ্জেন্সি’ নিৰ্মাণ কৰিছে।