শনিবাৰে চীনৰ নৱবৰ্ষৰ অনুষ্ঠান আছিল।
চীনৰ নৱবৰ্ষৰ অনুষ্ঠান আমেৰিকাৰ কেলিফৰ্ণিয়াৰ মণ্টেৰী পাৰ্কত চলি আছিল।কাৰ্যসূচীৰ শেষত হঠাতে বন্দুকৰ আক্ৰমণ সংঘটিত হয়। বন্দুকধাৰীৰ যাদৃচ্ছিক গুলীচালনাত বহু আহত হয়। জানিব পৰা মতে, আহতসকলক স্থানীয় চিকিৎসালয়ত ভৰ্তি কৰোৱা হৈছে। অৱশ্যে আহত বা মৃতকৰ সঠিক সংখ্যা এতিয়াও জানিব পৰা হোৱা নাই। স্থানীয় সংবাদ সংস্থাৰ সূত্ৰ অনুসৰি কমেও ১২ জন লোকে প্ৰাণ হেৰুৱাইছে। ব্যক্তিজনক গ্ৰেপ্তাৰ কৰা হৈছে নে নাই সেয়া জানিব পৰা হোৱা নাই। অনুষ্ঠানৰ মাজতে এই বন্দুকধাৰীয়ে কিয় হঠাতে আক্ৰমণ কৰিলে সেয়াও স্পষ্ট হোৱা নাই। আৰক্ষীয়ে তদন্ত আৰম্ভ কৰিছে।
ঘটনাটো বৰ্ণনা কৰি ঘটনাস্থলীত থকা এজন ৰেষ্টুৰেণ্টৰ মালিকে কয় যে হঠাতে তিনিজন লোক দৌৰি গৈ তেওঁৰ ৰেষ্টুৰেণ্টখনত সোমাই দুৱাৰখন ভিতৰৰ পৰা তলা মাৰিবলৈ কয়। তেওঁলোকৰ পৰাই তেওঁ গম পালে যে বাহিৰত বন্দুকধাৰীৰ দল এটাই গুলীচালনা কৰি আছে।