বলীউডৰ তাৰকা দম্পতী সিদ্ধাৰ্থ মালহোত্ৰা আৰু কিয়াৰা আদৱানী বিবাহপাশত আবদ্ধ হয়। মঙলবাৰে (৭ ফেব্ৰুৱাৰী) বিয়লি ৰাজস্থানৰ জয়ছালমেৰৰ সূৰ্যগড় হোটেলত এক অনুষ্ঠানত বৰমালা বিনিময় কৰে। পৰিয়ালৰ সদস্য আৰু ঘনিষ্ঠ বন্ধুসকলো উপস্থিত আছিল।
দৰাৰ সাজ-পোছাক
বিয়াত কিয়াৰাক গোলাপী ৰঙৰ লেহেংগা পিন্ধি দেখা গৈছিল। ইয়াৰ ডিজাইন কৰিছে মনীষ মালহোত্ৰাই। ডিঙিত হীৰা পান্নাৰ গধুৰ নেকপিচ এটা । পাঞ্জাবী বহুৰাণীয়ে ৰঙা ৰঙৰ সলনি গোলাপী ৰঙৰ টপ পিন্ধিছিল। সিদ্ধাৰ্থৰ সাজ-পোছাকৰ ভিতৰত হাতীদাঁতৰ শ্বেৰৱানী দেখা গ’ল । বগা ঘোঁৰাত উঠি তেওঁ বিয়া দৰা হৈ আহে।
ৰাজপ্ৰসাদ আৰু গাড়ী
সূৰ্যগড় পেলেছে বিবাহ অতিথিসকলৰ বাবে ৮০টা বিলাসী কোঠাৰ ব্যৱস্থা কৰিছিল। ইয়াৰ উপৰিও অতিথিৰ পৰিবহণৰ বাবে ৭০খন বিলাসী গাড়ী। যিবোৰৰ ভিতৰত আছিল মাৰ্চিডিজ, জাগুয়াৰ, বিএমডব্লিউৰ দৰে বিখ্যাত গাড়ী। যোধপুৰ বিমানবন্দৰৰ পৰা অতিথিসকলক বিয়াৰ স্থানলৈ নিবলৈ এই গাড়ীবোৰ উপলব্ধ আছিল।
অতিথি
পৰিয়াল আৰু বন্ধু-বান্ধৱীৰ উপস্থিতিত দুয়োজনে এই শুভ কাম সম্পূৰ্ণ কৰিলে। বিয়াত উপস্থিত থাকে কৰণ জোহৰ, শ্বাহিদ কাপুৰ, মীৰা ৰাজপুত, জুহি চাওলা, মনীষ মালহোত্ৰা। কিয়াৰা আদৱানীৰ শৈশৱৰ বন্ধু অম্বানিকন্যা ঈশাও বিয়াত উপস্থিত আছিল।
১০০ টা খাদ্য সামগ্ৰী
এই ৰাজকীয় বিয়াত ১০খন দেশৰ ১০০ৰো অধিক সামগ্ৰীৰে ডাইনিং টেবুল সজাই তোলা হয়। মেনুত আছিল ইটালীয়, চাইনিজ, আমেৰিকান, দক্ষিণ ভাৰতীয়, মেক্সিকান, ৰাজস্থানী, পাঞ্জাবী আৰু গুজৰাটী খাদ্য। মিঠাইৰ ভিতৰত আছিল জয়ছালমেৰৰ বিখ্যাত ঘোটৱান লাড্ডু।
অভ্যৰ্থনা
মুম্বাইৰ উপৰিও সিদ্ধাৰ্থই দিল্লীতো আয়োজন কৰিব এই বিবাহৰ অভ্যৰ্থনা। ৯ ফেব্ৰুৱাৰীত দিল্লীত আৰু ১২ ফেব্ৰুৱাৰীত মুম্বাইত অনুষ্ঠিত হ’ব এই অনুষ্ঠান।
অ’টিটিত বিবাহ অনুষ্ঠান
বলীপাৰাত চৰ্চা চলিছে যে বলীউড দম্পতীহালৰ গ্ৰেণ্ড ৱেডিং অ’টিটি প্লেটফৰ্মত ষ্ট্ৰীম কৰা হ’ব, আনহাতে তেওঁলোকৰ সমগ্ৰ বিবাহ অনুষ্ঠান আমাজন প্ৰাইম ভিডিঅ’ত প্ৰচাৰ হ’ব।
