শতিকাৰ আটাইতকৈ ভয়াৱহ ভূমিকম্পৰ দুসপ্তাহ নৌহওঁতেই ছিৰিয়া পুনৰ ৰক্তাক্ত আক্ৰমণৰ বলি হৈছে। শুকুৰবাৰে (১৭ ফেব্ৰুৱাৰী) দেশৰ মধ্য হোমছ প্ৰদেশত সংঘটিত হোৱা এক নৃশংস আক্ৰমণত কমেও ৫৩ জন লোক নিহত হয়। এই ঘটনাত ছিৰিয়া চৰকাৰে সন্ত্ৰাসবাদী সংগঠন আই এছক দোষাৰোপ কৰিছে।
শনিবাৰে ছিৰিয়াৰ সংবাদ সংস্থা ছানা’ৰ উদ্ধৃতি দি আল জাজিৰাই প্ৰকাশ কৰা অনুসৰি পালমাইৰা ষ্টেট হাস্পতাললৈ লৈ যোৱা মৃতদেহবোৰৰ মূৰত গুলীৰ চিন আছিল।
মৰুভূমিত ট্ৰাফেল সংগ্ৰহ কৰিবলৈ যোৱা বুলি জানিব পৰা গৈছে। ট্ৰাফেল হৈছে এবিধ ব্যয়বহুল খাব পৰা ভেঁকুৰ।
ছিৰিয়াৰ চৰকাৰী টেলিভিছনৰ বাতৰি অনুসৰি হোমছ প্ৰদেশৰ পূব দিশৰ আল-ছ’খনা চহৰৰ দক্ষিণ-পশ্চিম অঞ্চলত আই এছ উগ্ৰপন্থীৰ আক্ৰমণত ৫৩ জন লোক নিহত হৈছে। মৰুভূমিত ট্ৰাফেল সংগ্ৰহ কৰিবলৈ গৈছিল। সেই সময়ত ভুক্তভোগীক আক্ৰমণ কৰা হৈছিল।
বৰ্তমান হোমছ প্ৰদেশ ছিৰিয়া চৰকাৰ আৰু ইয়াৰ মিত্ৰশক্তিৰ নিয়ন্ত্ৰণত আছে।
পালমাইৰা হাস্পতালৰ পৰিচালক ৱালিদ অ’ডিয়ে জনোৱা মতে, মৃত্যু হোৱা লোকসকলৰ ভিতৰত ৪৬ জন সাধাৰণ নাগৰিক আৰু ৭ জন সেনা জোৱান আছে। আহত ৫জনক অন্য চিকিৎসালয়লৈ প্ৰেৰণ কৰা হৈছে।
