পাকিস্তানী অভিনেত্ৰী ছাবা কামাৰে এটা ধেমেলীয়া সাক্ষাৎকাৰ দি ছলমান খানক ‘চিট’ বুলি অভিহিত কৰে। সেইবাবেই ক্ষুব্ধ বহু নেটিজেন। বিশেষকৈ ভাইজানৰ অনুৰাগী।
উৰ্দু চিনেমা আৰু ধাৰাবাহিকত অভিনয় কৰি ছাবাই পাকিস্তানত জনপ্ৰিয়তা অৰ্জন কৰে। ইৰফান খান অভিনীত ‘হিন্দী মিডিয়াম’ ছবিৰ নায়িকা আছিল তেওঁ। পাকিস্তানী টেলিভিছন চেনেল এটাত সাক্ষাৎকাৰ দি থাকোঁতে ছাবাই ছলমানক লৈ মন্তব্য কৰে। সাক্ষাৎকাৰৰ সেই ভিডিঅ’টোক লৈ এতিয়া নেটডুনিয়াত হুলস্থুল লাগিছে।
ছলমান খানক চিনেমাৰ প্ৰস্তাৱ দিলে কেনেকৈ নাকচ কৰে ? এই প্ৰশ্নটো ছাবাৰ ওচৰত উত্থাপন কৰা হৈছিল। প্ৰথমতে বলীউড চুলতানৰ নাম শুনি স্তম্ভিত হৈ পৰে পাকিস্তানী অভিনেত্ৰীগৰাকী। তেওঁ কয় যে তেওঁ ছলমানক বহুত ভয় কৰে। কিন্তু প্ৰশ্নটোৰ উত্তৰত ছাবাই ছলমানক কয়, “তেওঁ ডাঙৰ প্ৰতাৰক!”
ঋত্বিক ৰোশন, ইমৰাণ হাচমী, ৰিতেশ দেশমুখৰ বিষয়েও সবাক সোধা হৈছিল। ছাবাই ৰিতেশক ‘বি গ্ৰেড অভিনেতা’ বুলিও অভিহিত কৰে। তেওঁৰ এই মন্তব্যত ক্ষুব্ধ হৈ পৰিছে নেটিজেনসকল। “ছাবা ব্লেকস্মিথ কোন?” এই প্ৰশ্নটো আহি পৰিছে। পাকিস্তানী অভিনেত্ৰীগৰাকীক প্ৰথমে নিজৰ ওজন কিমান সেয়া চাবলৈ সকলোৱে পৰামৰ্শ দিছে।