মুম্বাই-আহমেদাবাদৰ বুলেট ট্ৰেইন পূৰ্ণ গতিত চলি আছে। ৰে’ল মন্ত্ৰী অশ্বিনী বৈষ্ণবে কয় যে চাৰি বছৰৰ ভিতৰত এই কাম সম্পূৰ্ণ হ’ব। তাৰ পিছত মুম্বাইৰ পৰা আহমেদাবাদলৈ চলিব বুলেট ট্ৰেইন। যদিও ২০২৩ চনৰ ডিচেম্বৰ মাহত বুলেট ট্ৰেইনখন উৎক্ষেপণ কৰাৰ কথা আছিল। এতিয়া এই প্ৰকল্পৰ মাত্ৰ ২৬ শতাংশ কাম সম্পূৰ্ণ হৈছে। এই বুলেট ট্ৰেইনখন মুকলি হ’লে যাত্ৰীসকলে এক নতুন অভিজ্ঞতা লাভ কৰিব। সাগৰৰ তলৰ পৰা প্ৰায় ২১ কিলোমিটাৰ চলিব এই ৰে’লখন।
ৰে’লৱেৰ সূত্ৰ অনুসৰি বুলেট ট্ৰেইনখন পানীৰ তলত ২১ কিলোমিটাৰ পাৰ হৈ থানেলৈ যাব। এই পথটোৰ নাম হ’ব মুম্বাই-আহমেদাবাদ হাই-স্পীড ৰে’ল (MAHSR) ক’ৰিডৰ। এই ক’ৰিডৰ নিৰ্মাণ ব্যয় ১.০৮ লাখ কোটি টকা। ভূমি অধিগ্ৰহণ, কাৰিকৰী নিষ্কাশনৰ পিছতহে পানীৰ তলৰ সুৰংগ নিৰ্মাণ আৰম্ভ হ’ব বুলি জানিব পৰা গৈছে।