দলিত পৰিয়ালৰ এগৰাকী যুৱতীক ধৰ্ষণ কৰি অগ্নিসংযোগ। ৰাজস্থানৰ বাৰ্মেৰ জিলাত এই নৃশংস ঘটনা।
শুকুৰবাৰে আৰক্ষীয়ে জনোৱা মতে যোৱা বৃহস্পতিবাৰে নিশা এই ঘটনা সংঘটিত হৈছে। সেই সময়ত ঘৰতে আছিল ৩০ বছৰীয়া গৃহিণীগৰাকী। সেই উপলক্ষে অভিযুক্ত ছাকুৰ খানে ঘৰত প্ৰৱেশ কৰে। অভিযোগ অনুসৰি তাতেই দুটি সন্তানৰ মাতৃ দলিত যুৱতীগৰাকীক ধৰ্ষণ কৰা হয়। যুৱতীগৰাকীয়ে চিঞৰি উঠাৰ সময়লৈকে ওচৰ চুবুৰীয়া মানুহবোৰ গোট খাইছিল।ধৰ্ষণকাৰীয়ে কি কৰিব নকৰিব সিদ্ধান্ত ল’ব নোৱাৰি যৌন ইচ্ছা পূৰণ কৰি যুৱতীগৰাকীক জুই লগাই তাৰ পৰা পলাই যায়।
ইয়াৰ পিছতে জ্বলি থকা যুৱতীগৰাকীক উদ্ধাৰ কৰি বলমোৰাৰ চৰকাৰী চিকিৎসালয়লৈ লৈ যোৱা হয়। কিন্তু তেওঁৰ অৱস্থাৰ অৱনতি ঘটে, তেতিয়াই তেওঁক যোধপুৰৰ এখন চিকিৎসালয়লৈ স্থানান্তৰ কৰা হয়। চিকিৎসকে জনোৱা মতে, তেওঁৰ শৰীৰৰ ৪০ৰ পৰা ৫০ শতাংশ জ্বলি গৈছে। পৰিস্থিতি অতি সংকটজনক। মৃত্যুৰ লগত যুঁজি আছে।
তদন্তত আৰক্ষীয়ে গম পায় যে অভিযুক্তৰ ঘৰটো যুৱতীগৰাকীৰ ঘৰৰ কাষতে আছে। কিন্তু তেওঁলোক পুৰণি চিনাকি নে তেওঁলোকৰ মাজত পুৰণি শত্ৰুতা আছিল সেয়া এতিয়াও স্পষ্ট হোৱা নাই। যিহেতু ভুক্তভোগীৰ শাৰীৰিক অৱস্থা সংকটজনক, সেয়েহে তেওঁৰ বক্তব্য এতিয়াও লিপিবদ্ধ কৰিব পৰা হোৱা নাই। অৱশ্যে পলাতক অভিযুক্তৰ সন্ধান আৰম্ভ হৈছে। ভাৰতীয় দণ্ডবিধিৰ কেইবাটাও ধাৰাত ছাকুৰৰ বিৰুদ্ধে গোচৰ ৰুজু কৰা হৈছে।
