নিউজ ডেস্ক, ১৭ এপ্ৰিলঃ তামুলপুৰ মহকুমাৰ অন্তৰ্গত ইক্ৰাবিল গাঁৱত প্ৰসাদত বিষক্ৰিয়া হৈ গাঁওখনৰ শিশু, মহিলাসহ অৰ্ধশতাধিক লোক আক্ৰান্ত৷ ইতিমধ্যে প্ৰসাদত বিষক্ৰিয়া হোৱাৰ ফলত এটি শিশুৰ মৃত্যু হৈছে ৷ মৃত শিশুটিৰ নাম জ্যোতিকা নমঃদাস (১০) বুলি জানিব পৰা গৈছে ।
শনিবাৰে ইক্ৰাবিল গাঁৱৰ এখন গণেশ পূজাত প্ৰসাদ খোৱাৰ পিছৰে পৰা বিষক্ৰিয়াৰ ঘটনা সংঘটিত হয়। বৰ্তমান নাগ্ৰীজুলি আদৰ্শ চিকিৎসালয়ত চিকিৎসাধীন হৈ আছে শিশু, মহিলাসহ অৰ্ধশতাধিক লোক ৷
ইতিমধ্যেই চিকিৎসকসকলে বিষক্ৰিয়া হোৱা লোকৰ স্বাস্থ্য পৰীক্ষা আৰম্ভ কৰিছে ৷ চিকিৎসকে জানিবলৈ দিয়া মতে গণেশ পূজাৰ প্ৰসাদ খোৱাৰ বাবে বিষক্ৰিয়া হৈছে৷ ঘটনাস্থলীত তামুলপুৰ মহকুমা প্ৰশাসনৰ লোক আৰু স্বাস্থ্য বিভাগৰ লোক উপস্থিত হৈ তদন্ত আৰম্ভ কৰিছে বুলি জানিব পৰা গৈছে।
Comments are closed, but trackbacks and pingbacks are open.