ইউএনএফপিএৰ নতুন প্ৰতিবেদনত মন কৰিবলগীয়া যে ভাৰতৰ ২৫ শতাংশ জনসংখ্যা ০ৰ পৰা ১৪ বছৰ বয়সৰ গোটত আৰু ১৮ শতাংশ জনসংখ্যা ১০ৰ পৰা ১৯ বছৰ বয়সৰ গোটত আছে। আনহাতে ২৬ শতাংশ জনসংখ্যা ১০ৰ পৰা ২৪ বছৰ বয়সৰ গোটত আছে। এই সংখ্যাৰ সৰ্বোচ্চ ৬৮ শতাংশ ১৫ৰ পৰা ৬৪ বছৰ বয়সৰ লোকৰ। এই পৰিসংখ্যা অনুসৰি ১৫ৰ পৰা ২০ বছৰ বয়সৰ ২৫৪ নিযুত যুৱ জনসংখ্যাৰে ভাৰত বিশ্বৰ সৰ্ববৃহৎ যুৱ দেশ হিচাপে পৰিগণিত হৈছে।
বিহাৰ আৰু উত্তৰ প্ৰদেশৰ আটাইতকৈ বেছি যুৱ শক্তি থকা ৰাজ্য
ভাৰত বিশ্বৰ সৰ্বাধিক জনবহুল দেশ হিচাপে পৰিগণিত হোৱাৰ লগে লগে ৰাষ্ট্ৰসংঘই ভৱিষ্যদ্বাণী কৰিছে যে আগন্তুক তিনিটা দশকলৈ দেশখনৰ জনসংখ্যা বৃদ্ধি পাই থাকিব পাৰে আৰু তাৰ পিছত এই পৰিঘটনা আৰম্ভ হ’ব। ভাৰতে চীনক অতিক্ৰম কৰি জনসংখ্যাৰ ক্ষেত্ৰত সৰ্বাধিক জনবহুল দেশ হিচাপে পৰিগণিত হৈছে। ৰাষ্ট্ৰসংঘৰ বিশ্ব জনসংখ্যা পূৰ্বাভাস-২০২২ অনুসৰি ২০৫০ চনৰ ভিতৰত ভাৰতৰ জনসংখ্যা ১৬৬.৮ কোটি হ’ব পাৰে, আনহাতে চীনৰ জনসংখ্যা ১৩১.৭ কোটিলৈ হ্ৰাস পাব পাৰে। ৰাষ্ট্ৰসংঘৰ বিশ্লেষণ অনুসৰি বিহাৰ আৰু উত্তৰ প্ৰদেশত যুৱ জনসংখ্যা অধিক।
